我終於生日啦! 今日夜晚八點幾o既時候...我終於大個女^^12歲!

今日我本來痴左線...8:30起左身...不過又訓過...9:30又起= =
10:45又起= = 好唔容易...到到12點啦^^我終於正正式式咁起左身!
嘩! 今日簡直係正到飛起! 足足訓左......等我計計先...11粒鐘呀!
相比於之前o既七粒鐘...今日簡直正爆! 如果日日可以訓到八粒半鐘就好啦!
不過我真係唔洗諗= = 唉...所以話ah...全日制 唔好! 特別係對於我e種夜鬼!
早起...簡直係冇可能咁滯...如果唔係因為返學...我先唔會lor!
一定會遲過九點先起身! 六點半?! 唔洗諗!

我覺得今日唔似我生日...首先...好似平日一樣...一路都做住功課!
而家仲做緊! 今日都係冇咩節目...一個好悶o既生日...

不過表姐o係新加坡send左sms比我^^同我講"生日快樂!" ^^ 我好開心^^
就算...佢只係用sms同我講...不過我好開心^^ 佢仲sd左個傳情咭比我!

仲有...睇番Piona上面o既野...Irena都送左個好似書o既相架比我^^
左邊係我...右邊係佢, Irena~ 好靚! 係今年到而家為止...唯一一份生日禮物...
都可能係我收到佢o既最後一份禮物......最後一份o既生日禮物......
天下無不散之筵席...下次可能連見都見唔番...今日生日都係唔講d咁o既野~

其實 Matilda都o係12點幾o係msn 送左個 "生日蛋糕" 同 "禮物" 比我^^好開心呀!

Nicole都送左個閃字字比我^^佢整得好靚! 唔明點解佢話唔靚! 最衰啦...
個Blog唔比用Gif...如果唔係就比你睇...等我諗下點比你睇....Nicole今日唔開心...
好down...不過連佢都唔知點解~我都唔知點幫佢! 佢同我講佢叔公整爛左佢枝筆...
我想買番比佢...不過係學校送架播...我都唔知點好...qe又冇得賣...
佢又鐘意果枝筆...唔知仲有d咩途徑買到呢...送比我都得架! hehehehe...
生日禮物lor當! 我add 梁樂然想叫佢幫我問下Nicole個叔公可唔可以買佢枝筆...
佢又話唔係Nicole叔公...講埋d風涼野...叫佢唔好講唔係封佢...佢又叫我封佢!
佢真係好乞人憎! 生日開開心心都唔得?! 我真係好憎佢! 我應該一早唔好識佢!

Regina o係佢msn個名度同我講"生日快樂"! 好勁! 其中一個記得我生日o既新fd!

阿爸仲勁! 佢係我咁多年黎...凌晨12:10打比我...同我講左一句令我開心o既野...
"如果我冇記錯...你今日...生日呀可?" 我即刻好開心! 我未試過有人咁快同我講...
"生日快樂!" 仲要係新fd! 好感動! 我好似冇點提過...只係之前...我地排家族時...
講過我9月23先 生日...我估唔到一個半月之前o既事...佢都記得咁清楚!

仲有白"雪雪"都同我講生日快樂!佢知係因為...我同佢講"我去食生日蛋糕啦!"= =

仲有Yanice...佢o係我打完Blog之後同我講= =所以遲左打佢同我講"生日快樂"= =
但係點解佢記得我生日呢...e樣...我都唔係好知= =莫非佢又同阿爸一樣...咁勁?!
嘩...佢地2個真係超人...雖然我問左好多人(新fd!)佢地幾多月幾多號生日...
不過好多都forget...淨係記得阿哥! 佢...1月23日! haha!!!
阿爸淨係知佢10月...Yanice就6月18...其他都唔知! hehe... Yanice! 你應該好開心啦!
wakakakaka! 咁難得...得2個名額...你都榜上有名! haha!!!!!!

今日係梁樂然媽咪個生日...我搵梁樂然幫我同佢媽咪講"生日快樂!"
唔知佢有冇幫啦...之後我去左食飯...本來以為只係去酒樓普普通通咁食一餐...
點知去左食日本野^^好正! 三文魚...不知名魚刺身...不知名魚o既湯...拉麵...
仲有芝麻雪糕...好正! 返到黎屋企...有人打過比我...唔知邊個黎...仲有個sms...
係梁樂然...佢同我講生日快樂~我第一反應唔係開心(註: 叫我封佢o既事未發生!)!
而係唔開心...唔知點解lor...總之就唔開心...我就係怪怪地...唉...算啦...

12歲啦! 我大個女啦! 加油!