坐係度冇人會過黎同你傾...

食飯冇人同你一齊食...

當放學既時候傾既野你完全唔知佢地講乜

只係企係一邊

好似被人孤立咁

我每日就係過d咁既生活....冇朋友

個種感覺真係好難受

好辛苦

今日Miss  Chan同左我地調位

我聽日就要開始同一個我唔熟識既人坐

我好驚會同佢唔傾唔上

好驚佢會唔鐘意同我坐

如果真係咁

我....都唔知點算好~

番到屋企喊左好幾次(媽咪唔知)

我真係好唔開心

我真係好刻人憎咩?

我真係咁衰咩?

可能係.....可能唔係

連我自己都唔清楚

不過我由細到大都已經係一個好難識到朋友既人

或者....

遲d會有呢!

我會努力

識多d朋友

唔需要再打一篇話我自己冇朋友既日記......

中文小測:16分(20分滿分)

英文默書:15分(18分滿分)

嗯.....都唔錯啦~

我已經好滿意^^

下次可能會有奇跡出現呢!(希望啦!)

今日上左第一次生活教育堂

我覺得最好笑係匯報既時候

陳錦輝又扮魔鬼又扮Angel

好得意~

到左上I.S堂

唉....

個d咁既實驗真係考起我

又要放熱水

又要放唔知乜劑

勁頭痛呀

V.A堂好悶呀!

其實我覺得自己畫畫都唔錯

可能係美術既角度黎睇係唔同D呢

自己覺得靚就靚就得啦

人總係冇兩全其美

我應該睇開d

呢排覺得好奇怪

一放學就頭痛頭暈

都唔知點解會咁

我唸我要去睇下醫生

死啦!我仲未睇得明英文個本書

要快d睇至得~去囉!