我見到個個都打"聽日就要返學"
所以我就跟佢地打"聽日返學啦"尼篇野~
今日2點先起身~
誠仔點幾就打電話嘈醒我~
2點半就食埋飯出左去啦~
第一站係去左佳景到玩保齡球~
小便話邊個輸左邊個請飲野~
本來我係輸緊嫁~
後來認真左小小...
就排返係中間~
最後係小便自己請返我地(佢輸左~XD)
第二站就去左玩桌球~
去到竟然話冇位~
要等半個鐘...
因為小便部psp有d問題~
所以我就同誠仔一齊玩psp~
之後有位玩完一局後...
因為小便今日好好彩成日入到~
所以佢又再提出輸左戈個請食雪糕~
咁我地就開始比賽啦~
開頭真係佢領先~
到左中場戈時我係最低分戈個~(小便重係最高分)
但係到最後戈時...風水輪流轉!!
我以1分之微贏左小便~
佢又做左最低分戈個~
又要請食雪糕...
我地見佢咁可憐就冇要佢請食雪糕~
最後一站就係去誠仔屋企玩psp~
因為要幫小便整返好佢部psp~
所以我就好辛苦咁行左6層返屋企拎讀卡器~
佢買左雞絲翅同篤篤係誠仔屋企一齊食~
我整好佢部psp之後就係我戈到copy左d遊戲比佢~
係戈個時候先出去食野~
戈時佢個麵已經漲到唔知點~
食完之後返返房就岩岩好copy完比佢~
咁我地就立即玩"怪物獵人"啦~
由7點玩玩玩到8點幾~
之後就返屋企食飯~
返到去戈時佢地已經食完飯~
所以我要拎返d野出黎食~
食完就打左尼篇野啦~
因為一路睇電視一路打~
所以打左成個鐘~
慢慢睇...記住留cm呀!!!