淫照單新聞已經連續上左頭條14日~

勁~

還可說什麼??

估唔到呢單新聞可以搞咁耐~

印象中911果陣都無咁耐...咁你話係咪厲害~

內地大雪幾厚..仍要埋於浩瀚黃沙~

希x里對奧x馬選情幾急幾緊湊..都仲有幾百萬里遠~

這就是香港人= ="

沒法..報紙要成功賺錢..吸引人睇係必要條件~

不過咁講既話..係咪代表左港人只識關心娛樂既野??

今日落街食飯~

隔離台又討論緊..."呀嬌幾慘...陳文x仲慘...走左都拎出黎講"

忽然細想...咁點解陳x瑤段片上唔到頭條?大家係咪應該替佢抱不平XD

教育家范打蘇話"d相係假,我砍左個頭俾你當乒乓波咁打"...教育家都只懂針對真偽??

內地"企業家" 更加 "聰明"...成功出到碟..廿蚊隻..一個鐘頭就賣清~

先從好處著眼..不得不說佢地賺錢技巧聰明~

斷估頂盡都係告到佢地賣淫野..無人敢告佢地侵犯版權~

不過就輪到大陸d人討論.."d相真定假??"

肥仔話佢隔離個10歲細路話"我全班都一早睇哂d相"

昨日新聞話"教育界開始研究假期後針對呢單新聞作討論"

"狂想篇"

幼稚園學生:"老師,d相真定假嫁"

小一至小三學生:"老師,你有冇做過d咁既野呀"...已婚老師心想"應該答佢好定避佢好"

性教育課堂老師:"今日上性教育"...小六學生:"車...我知啦..d相我一早睇過哂"老師..""

如果有個中一學生: "老師..佢地咁做岩定錯呀?".....老師:你覺得呢"..

中一學生話"梗係唔岩啦"...老師如何同佢地講番其實婚前性行為係現代無對錯...

定係同佢地講係錯事呢??...真考一個老師既功力~

當然..到最後我相信d老師都可以好完整咁答到既~

不過凡事有好既一面同唔好既一面~

都唔好一面倒睇哂唔好果一面~

好既可能係...睇到d小學生對電腦既認識比我們當時深..

係咪應該讚下時代進步..香港小學生的知識領域更佳先!!

斷估我唔信你小學已經成班同學都識用msn,icq,e-mail 去sd相掛

最後..睇緊我日記既人會臭罵"衰仔,咁得閒打咁大篇日記!!仲唔去溫書!!!"

小文支吾以對 " )*&&^%$#!~@ "