呼....冇上幾日....心情好難受...因為...呢幾日都冇得上網-0-

超屌的....返學...講真...真係冇野好講...

無聊人做無聊野...無聊時講無聊野都有...

根本唔洗理會其他人點講,點諗....反正對呢個世界冇留戀。

同學校d人有距離係好d架...因為band1學校ge人最中意用語言攻擊...

不過講真牙..我係到打d咩又關人咩事呢?

我想講咩我ge事....我理得人地點係佢地個blog到講野姐...

你地咁中意打橫黎講,我得1個人一定鬥唔過你地架wo..

再嘈落去....我只覺得麻煩....唔想諗野去嘈人....唉....

都係留返d腦細胞去諗返自己ge故仔...

反正我唔會介意人地點諗我,你話我淆又好,咩都好,話我冇膽都好,

一句講晒....「有人講過野咩?聽唔到,睇唔到!我講過野?你記錯姐!我都唔認你!」

發洩情緒每個人總會有,

好似有人會選擇係學校喊,係朋友面前喊,係屋企人面前喊,係電腦枱面前喊,

又話者,狂食野,狂訓覺,狂迫自己溫書等等....

咁我係自己個blog到發洩又有咩問題呢?

可能當佢地有自己ge細佬ge時候,佢地d細佬有d咁ge同樣事情發生,

佢地可能會回憶返以前所做ge一切,明白人地ge感受

算啦....反正...中學裡面,好多人都中意睇唔起人架啦....

對我自己黎講...多1個唔多,少1個唔少,

講到朋友.....正真ge只有幾個就足夠,因為我ge令一個朋友身份,

就係我篇故仔.....

又話者...我當1個人係朋友...佢可能唔當我朋友...冇咩野架,反正中一都試過..

孤獨一人姐...又唔係未試過...比「朋友」背叛姐...我都試過好多次啦...

反正我個性格,由中學開始就已經變得孤癖,開始中意自己一個人

為自己認定ge「朋友」唔開心,擔心,係正常ge...為d無聊人去嬲,唔開心,真係比死更難受(雖然我真係好想去死)

學校就係一個小型社會,我明白我地d差ge人就只會被d叻ge人踩上位,

不過成績都我黎講,一點都唔重要,次次拎成績黎踩底人,太冇品

上到大學又點?到到老個時咪又係唔記得好多野?!

路係自己搵ge..

正如我老豆話「成績好又點?冇一技之長都死啦!」

有學歷,冇工作能力,唔得...

有工作能力,冇學歷,又唔得...

我ge前途已經諗到,唔洗學校d人幫我諗,因為我會受唔起。

我呢d唔起眼ge人..一向都比人睇死架啦...

突然做隻黑馬咪又會比人指指點點?!

咁我咪是但咁做個借宿身份咁,係培英都借住宿先囉

讀到就讀,讀唔到咪向工作發展,到時可能會仲有更多時間研讀日文。

「白老鼠」呢個名詞...並唔係只有我地呢d差ge人先係,

我地呢級同下面個級都係..

白老鼠都做得多,父母ge白老鼠,朋友ge白老鼠,咁做埋學校ge白老鼠又有咩所謂呢!

以上ge講.我咁諗可能你會話我有問題,你想笑就笑,我唔會理會。

-----------------------------------------

呢d無聊野打完,打返今日先,

今日中文堂..聽到徐sir講左d野....

令我又好想打人...(唔係指想打徐sir)

同性戀有咩問題?

我可以講...冇問題!

點解要歧視同性戀或雙性戀?

咁樣有問題咩?

每個人ge習性都唔同,生活習慣,性取向,思想,能力....

你唔可以話個個人係中意同性ge,就要令佢變返異性戀,

亦唔可以話個個人係同性或雙性戀ge,就要佢唔可以存在。

咁ge話會好自私囉!

我明可能真係你創造神ge,咁你竟然創造左d同性or雙創戀ge人,而你又憎佢地,

咁你又點解要去創造佢地呢?

就算人地係同性戀ge,咁人地係相愛ge咪得囉!!

....真唔明你....但我唔會主動去明你!