今日本來要9點半出去買飛睇戲,,
點知我9點5先起身,,趕唔切喇,,
唯有打俾細婷叫佢唔好o黎至la,,
經過一輪戰鬥,,我終於出得去,,
點知落到地下先醒起唔記得帶銀包,,
即刻衝上去拎番,,落番o黎果陣都差唔多10點2,,
距離開場仲有20分鐘,,而且我地仲未買飛,,
去到之後,,都唔係好多人姐,,
而且套戲有兩間院播,,實有位ge,,
點知到我地果陣,,一間院淨番一個位,,
另外一間,,淨番4個位,,不過分佈o係唔同ge位置,,
我地都冇買,,呀強又未o黎,,我地約o左佢ga ma,,
當10點5果陣,,佢打o黎,,佢話就到,,
細婷就同佢講話冇得睇掌門狗,,
佢oh o左一聲就cut線,,
佢o黎到之後,,就同簡健俊睇下睇邊套la,,
揀o左童夢奇緣,,點知又爆晒,,
我地最後就買o左12點幾果場ge掌門狗,,
見仲有咁耐,,我地去o左m記,,
佢地食早餐,,我地就坐,,
過o左半個鐘,,我地就閃,,
呀強話陪佢去機舖打太鼓達人,,
咁佢前面有兩個人,,
第一個係女仔,,20幾咁la,,
嘩,,打得超勁,,命中係97%,,
首野仲要o係9粒星,,
點知後面果個仲勁,,兩首9粒一首8粒,,
首首命中98%,,我地都呆晒,,
o係個榜到有好多都係佢,,
到呀強喇,,揀d 5粒星,,
又成日打錯,,笑死我地,,
玩完之後,,去睇戲lu,,
開頭荒失失企鵝就好搞笑,,
點知掌門狗就悶到個個都訓覺,,
出o黎之後就同呀強影相,,
影完就番屋企,,一訓訓到宜家,,
就起身打日記,,