學界越野冇得跑~頂頂頂!!

不過唔緊要~12月有學界田徑~

應該可以跑5000m 同 1500m~(5000m真係開正我果飯~xD)

我已經開始集中操番長距離喇~

並定下目標為 19分10秒內~!!@__@"

根據過去4年5000m既學界成績~

如果我真係跑到19分10左右...

將會"榜上有名"~

名次會係第3至第7之間~

而跑完學界之後我就會暫時放低跑鞋

一切都係會考之後先算喇~

始終讀書一定係最重要的的的!!

陸運終於圓滿結束，一個月以來的各項速度訓練並沒有白費，

期待已久的800m金牌已順利取得，興奮的心情實在難以用書面語形容，

所以我都係唔打書面語住喇！

朝早9點幾就跑800m，熱身果時真係覺得自己狀態好好，

所以幾有信心，不過跑左400m就唔係咁講，

樂家希由起跑一路帶頭，第一個圈跑1分08左右，

直覺話我知佢好可能會慢落黎，所以我決定等佢自己慢落黎，

點知佢完全冇跡象想減速，真係捉都捉佢唔住，

於是拿拿聲出力追番佢，問題係我呢個時候腳軟，

結果經過一輪疾風追逐，我終於過到佢，

時間係2分27，頭三名只係各相差1秒咋，

行慢兩步既話真係就可能得番個銅牌架喇!!

同1500m相比...800m實在贏得辛苦好多，

我都係適合長跑既!!xD

衝線之後已經接近虛脫，有個helper仲要問長問短，

"妖~你煩夠未呀"

恕我無禮了!!

今日真係好開心一切都好完美

咁多日黎~大家都好擔心今日既天氣...

結果今日天氣晴朗

我亦好擔心1500M會落敗收場...

結果無驚無險~以5分18秒成功搶走金牌...我人生既第一面陸運會獎牌

後來我又怕跑社際4*400會拖累元社

結果我盡晒力...既冇仆低又冇跌棒...尚算成功

今日令我印象最深刻既...

一定係社際4*400

跑短距離好慢既我...

真係好怕會將元社由領先變成落後...

係點名上線既一刻我先搵番我對釘鞋...

第一棒起跑之後~我先發覺我未換跑褲...

之後又覺得好急...可唔可以去廁所呀?!

咩都未準備好...果種緊張心情實在難以形容...

到我接棒果時...

我淨係知道如果再慢落去就對唔住元社既鄉親父老喇...

結果400米 "蕉" 一聲就跑完...

快唔快我唔知...

不過當我訓係地就快死果時...我問自己 "你會唔會繼續跑步呀?"

我好肯定咁同自己講: "我會!!"

希望17日後既800M順利衝過終點~

多謝各位同學既支持同鼓勵~我愛你地每一位!!

仲未到陸運...不過心情已經好緊張=v=xd

有個朋友同我講...佢1500m 跑5分04(淨係得個第4咋喎)...@@"

下~?!我E家谷到盡都係5分10幾咋喎....死得

點知我睇番佢果年既1500m紀錄...冠軍都係得5分55秒咋喎=3=" (完全係龜速)

頂佢- -原來佢記錯...其實佢係跑6分04 xdd

所以預計今年陸運...甲組1500m 只係得3個對手...祝我好運>v<

好開心呀xDD

泰基盃10K終於跑左~~~男子A組第一名呀

第一名 >V< 冠軍 >V< 第一名 >V< 冠軍 >V< 第一名 >V< 冠軍

果然冇錯...

今次比賽真係又熱又曬仲有超多斜路~

結果得47分52...振奮話算正常喇喎~+_+"

跑出黎既時間雖然麻麻~

但勝在我果組完全冇勁人xDD

全程冇A組既人超越過我-_-"

結果就多謝晒~xD

我會繼續努力架!!

我既下一個目標就勁喇...

 "精工錶半馬拉松" !! 繼續搶攻冷門項目xDD!!