今日學校開Party, 我一早就起身為Him Him預備了一件魔鬼衫但佢一直都唔肯著, 今日同老公用咗好多方法去氹佢...終於著咗, 但我換完衫出嚟佢又除了....好啦返去先著.....
因為搞佢著衫所以比平時遲咗返到,去到校門我又同佢講 "係唔係呀個個都著" 佢又比我氹到......可但一路行入學校佢個樣已一路變得赲來赲驚.....到課室門口佢完全唔肯入還開口大喊, 氹咗好耐都無用我只好抱佢入去, 一入課室第一步已合到雙眼好實叫來叫去都唔打開一味話驚要走(其實我都蠢咗, 遲了出門口應該搭的士返去等佢早D返到無咁多人係課可以 warmup吓, 等 D同學一個一個慢慢返佢會無咁驚...)
之後要 Miss Kown 同佢出花園玩再同佢講媽要洗手先...我才走到, 但我回頭望時主任同我講佢瀨尿.....但我都係走人....沿途 D家長&老師都問我點解佢咁....平時見佢好開心好主動又活躍唔似咁細膽......我話係呀!佢得個樣咋! 其實好無膽 (佢重要樣衰到全校無人喊得佢一個喊...還喊到鬼咁大聲......

返到公司我都係好擔心所以打返去問睇吓無事...點知Miss Chow話佢無喊又肯著魔鬼衫還主動叫Miss Chow 幫佢畫面面.....唉差 D比佢嚇死....

放工返到去見佢好開心..問佢下次開 Party好嗎?   佢都話好....