今日諗住早咗起身, 咁就同Him 豬去冒險樂園玩之後再返娘家, 點知佢又唔合作快手D由9:00 話出門到10:15才出, 我同佢講: 你再係咁我就唔去, 最尾都係去不成, 佢就例牌扭計,我同佢解釋佢唔聽, 之後要我打比冒險樂園姐姐擺平件事!!!!

下午返完娘家, 同媽子佢哋行咗陣公園, 就約埋家怡去一田買禮物比Him Him, 之後返去食飯, 再同楠楠玩, 到楠楠要返屋企時Him Him唔比佢攞, 場面十分搞笑, 最後楠楠發脾氣走嚟打Him Him一吓, HimHim立刻呆咗, 跟住楠楠再嚟打多兩吓, 佢成個人好似嚇傻咗 (點解亞妹會打我) 跟住佢個樣完全無反應好似想喊, 成個嘴扁過唐老鴨個嘴, 之後亞妹走嚟嘴佢兩啖佢都還是唔開心還手推開亞妹, 後來亞妹請糖佢食初時佢都無理, 之後再問多次, 佢就好乖咁拎粒糖嚟問我可唔可以食, 我見佢咁叻仔就比佢食.

唉Him Him 第一次真真正正咁嬲, 佢從來未試過, 佢個樣真係好唔開心,我見到佢咁我都好唔開心唔知點算, 差D想同佢一齊喊 (可能佢太錫亞妹, 但亞妹竟然打佢), 大個仔哪佢

PS, 遲些post DV 比大家睇