今日因為老豆生日, 而我哋晚上會出去食飯, 所以今日由姨媽媽 & 大姨姨接傻豬hIm 放學..........
晚上一放工就飛去酒樓, 而例牌年年遲到嘅三叔一家, 一樣約5:30, 但8:00先齊人, 咁我哋無嘢做就學人打麻雀, 連我唔識玩都玩到覺得幾好玩, 之後食完飯已十點幾, 平時習慣九點瞓嘅Him Him, 因為眼瞓勁扭計, 最後要我一個人又抱住個30幾磅嘅人仔, 又要拎袋, 返到屋企隻手好似唔係自己....勁痛....好慘呀! 同佢沖完涼到11點幾佢先瞓, 之後我要收拾好D嘢, 再預備佢明天返學嘅東西, 沖埋涼1:00先有得瞓, 但第二日要6點幾起身同個仔返學(做亞媽真可憐!!!!!!!!!!(不過我好enjoy做Him B 嘅媽咪, 哈!哈!)

P.S. 老豆生日快樂, 身體健康, 開開心心!!!!!!!!!