今日真係辛苦到無法形容...Him Him個衰豬成日唔肯自己行,大部分時間都係我抱佢,又要攞住個袋,慘個D搬運工人...
到咗下午上到亞佩屋企見到D好耐無見嘅舊同學,佢哋個個生完BB都無咩變,不過最勁係亞敏而成為兩位小男孩嘅母親&肚內還有一個4-5個月大的BB(佢兩個仔仔都大過Him Him)真利害換轉係我一定唔可以有咁大嘅愛心,耐性...最多只可兩個...玩咗成日最開心係Him Him,不過佢就發生咗D搞笑嘢...話說佢條尿片已好濕,但因我已無晒片,諗住都就快返媽子度,所以忍多陣...點知佢走走吓條片突然從條褲內趺咗出嚟(但條褲就無趺落嚟)笑死我哋,真喺失禮死...跟住Him Him又做咗一樣由出世到現在都未做過嘅事 -- 著裙, (佢著咗亞君個囡條裙)我重讚佢好靚女,佢哋重影低咗,好心急快D可以睇就好...