終於等到今日啦! 亞健同小新(伴郎)一早就起身預備去酒店接新娘,我就同媽咪化妝& 同Him Him刷牙洗面(好彩今日一整天會由二家姐幫手睇住Him Him真係辛苦晒呀!),之後我去set頭再返屋企等新郎&新娘返嚟....
中午飯後我就連忙去church幫手佈置......婚禮開始大家好安靜等待新娘進場,而Him Him就一早瞓咗,當一對新人喊住講到對雙方家人的感受時場面係最感動,我見好多人都有喊,差點自己都喊...
晚上亞健安排咗一個最令很多女生羨慕的環節送比亞施--就係在300多位來賓面前獨唱咗首情歌送比亞施,由於亞施事前不知情,所以我哋個個見佢個樣超冧......事後媽咪都有問我羨唔羨慕...其實羨慕緊有D,不過現在老公又錫我,對我又細心,又聽我話,又關心我屋企人,又肯幫手做嘢(不過慢咗D),總之就好好好......啦!所以就算佢唔識做這些冧人嘅事,我都會覺得滿足,何況還有個寶貝仔呢!....就係咁,安排了一年嘅婚事終於順利完成,大家都十分高興及疲倦哋回家了,而我,老公&Him Him就收拾心情明天返大陸玩及探親....