今日因為約咗班舊同事拜年,一早就預備全日嘅食物比Him Him又要湊佢&預備同佢出街嘅物資搞到我和老公都係一人食一個杯麵做早餐&午餐,但搞咁奈都係遲到,重要遲咗3個幾鐘,可能去青衣對我哋來講實在太遠...Him Him一去到人哋屋企一D都唔客氣周圍走周圍搞,不過個個見度佢都好開心,可惜我這班同事不但清一式男子組,重要個個未婚,搞到Him Him無利事收還要我出血派利事...晚飯後Him Him因為下午瞓得少所以開始眼瞓,咁我哋就快快搭車返屋企...點知途中我抱佢瞓時發覺佢個頭好熱,我同老公講佢可能發燒,但老公又唔信,返到屋企用個探熱器探耳,又探不到,只好原始D探Pat Pat,一探才知佢102F,我就立刻比藥佢食之後就等佢瞓,而我瞓前教個鐘1個鐘起身一次睇him him...至半夜3:00咗右我起身發現佢好燒,但探Pat Pat技針又比老公在收拾時唔小心打破...搞到現在無得探...但我哋好驚him him太高燒,所以搭的士去醫院睇急症,一去到同佢探完熱座唔夠5分鐘就睇得...我都未試過咁快,次次都個幾兩個鍾...入到去醫生聽佢個心口時佢踐喊度鬼死咁大聲好像好可憐,心都痛...搞完晒返到屋企食完藥瞓得已4點幾5點...最慘老公要返早,只好請假一天,變自製3日假(之前放了兩日例假)