今日我要娶老婆 因為我已經大個

想擁有個安樂窩 仔仔女女一籮籮

唔駛一世食白果 從此生活樂趣多

老婆規矩雖然多 對我嚴厲要求苛

終日都囉囉唆唆 對住我日哦夜哦

但求老婆笑呵呵 一一遵守又如何

成份糧比晒老婆 速磅cash快夾妥

每月家用任你羅 剩番得散銀幾個

無得再飲酒唱歌 寧願自己捱肚餓

捶骨推拿同按摩 做家務我快又妥

洗衫煮飯唔懶惰 洗完碗切埋生果

用完掃把用地拖 順手洗埋個廁所

若然我有咩做錯 激到老婆把幾火

跪地斟茶猛耳朵 要我企我唔敢坐

以後唔敢口多多 求老婆你饒恕我

將來我頭髮稀疏 大肚腩個背又駝

老人癡呆戇夾傻 如果你唔嫌我喲

請各位聽清聽楚 求老婆你嫁比我