昨日塔七點鐘機
塔左好幾個鐘返都屋企成十二點幾
二點幾三點先訓好攰好攰
今日仲要六點幾先起身返工
可惡 谷氣
今次去雲南觀光團都算ok 啦
風景好靚好靚不過好悶好悶扣左唔少分數
悶既原因因為我們的團友(同事)年齡相差太大喇
唔計doris 相差最少都有十二年
有好大的代溝全程都沒什麼東西好說的
由入公司到而家都當我係小朋友看待
今次旅行都唔例外
大朋友的話題唔適合我呢位小朋友
所以好悶好悶呀
第二日就想塔飛機返香港
lawrence超低b偷影我同doris睡覺醜樣
仲話要一百蚊一張贖回相片
"要咪放上網囉,我地仲有四日時間,
我地就唔相信我地影唔到你d醜樣,贖唔番我地d相"
哈哈仲要最後俾我攞埋佢部相機
delete 哂所有相
係飛機好悶好悶,好彩之前我同doris驚坐車塔飛機會好悶
所以一早去左買uno,悶就可以攞出黎玩
lawrence超衰贏就一分一蚊輸就一分一毫
彩佢都傻既
我一開始就狂輸跟住就到lawrence
開始就話一分一蚊跟住到自己輸就一分一毫
 激死
我們落機已經是當地時間六點幾
六點幾太陽仲未下山,仲係好好太陽好鬼曬
哎呀!好失敗唔記得帶防曬,只係話俾人好凍又唔話人會好曬
今次旅行一定會曬到好黑
我們先去到官房別墅放低行李先
跟住我們去附近古城行陣
正好當時係四方城有民族跳民族舞
有好多人圍觀
睇下睇下佢地唔見哂
只有我同lawrence我們唯有四周圍影相
這時已經晚上八點鐘這是太陽先慢慢下山
由入黑都已經入黑她們才發現我們兩個失散了
原來佢地由始至終都係四方城
跟住我們一齊去行
不過佢地行來行去都沒有我地頭走行既地方咁漂亮
我們又唔可以自己自由活動
唯有跟住佢地入去鋪頭睇下
 ---------->這是我地入去既其中一間鋪頭
鋪頭裡面有好多梳子有好百把梳掛在牆上
場面幾壯觀
我地行到攰攰地就係古城附近塭嘢食
誰不知果度d嘢食真係好咸
已經不斷叫廚房唔好加鹽加油
每一碟餸不斷地叫廚房走鹽走油
油得而且確少了不少
但是還是好咸咸到要搵水沖走至入得口
我們一致認為係佢地有意整咁咸
咸就好自然想飲嘢啦
想飲嘢亦都好自然會去佢地果到買嘢飲
嗯...........佢地目的一定係咁
食完之後行多陣古城就返別墅洗澡睡覺
訓得唔係咁好,可能因為doris 同男朋友嘈交
所以冇得好訓
男朋友出左去玩好晚又唔返屋企
加上佢爺爺既離世
佢地嘈左整個晚上
果然不出我所料第二朝我地兩個唔識得起身
遲左起身食早餐
lawrence真係屎到死二千幾米就有高山反應
比佢年齡還要大都無反應
佢真係好鬼屎
即刻要買多幾支氧氣俾佢
第二日司機車我們去一間鑄刀鋪仔
聽講都幾出名的,我們走出去問下其他人
都話呢間嘢好出名
佢地聽完後都好相信佢地自己係冇買錯刀
我們到達另外一個景點"虎跳峽"
去到呢个景點已經十二點多了
我們都係食左嘢先怕左lawrence一陣間上去有高山反應
暈低左我們都唔知抬唔抬番佢出來
今日食比第一日去食好食得多
或者係因為我們走油走盐掛
入去虎跳峽前司機建議我們買保險先
我所聽聞最便宜的保險"兩蚊"人仔
司機講既果然係冇錯既
眼見頭上既石仔不斷跌下來
你都咪話唔驚
兩蚊買心安理得
去完虎跳崍之後一日就收到雲南地震
好彩唔係果度同果個時間姐
真係嚇餐死
lawrence真係好冇用行左一陣就冇氣要吸氧氣
回程仲要人力車拉佢走
真係難為人地拉得你咁辛苦
走完虎跳峽己經係四個鐘頭後既事情
要塔番車去酒店
果日酒店(天界神川大酒店)好明顯比前一日住既酒店細好多
活動空間都唔多不過都ok 既
經過昨日既教訓佢地都唔敢出去亂食
佢地更敢再相信本書既嘢對本書抱著質疑既態度
可信性大打折扣
唯一可信既只有係酒店食
第三日行程去左香格理拉出名的山(嘻!唔記得左叫咩名)
要塔車上去參觀第一個觀景台
風景好靚好靚，不過時間就短左Ｄ
未影完相就要上車去第二個觀景台
一個接一個觀景台，越上越高就越來越凍
空氣亦越來越稀薄
差唔多個個都要吸氧氣
Ｌawrence真係冇鬼用
行兩步就要吸氧氣
年齡最大既王生都冇佢吸得咁多
我們參觀完這台山收到一個不好既消息
'雲南發生地震'真係嚇餐死
好彩是發生係普洱
跟住我們返番酒店食lunch
食完lunch塔番車返官房別墅
不幸地係半路爆軚
迫住要落車正好有店鋪
個間明符其實既'水魚店'
強迫要人買嘢先俾走
王生同lawrence兩條大水魚
兩個各買左一條笨珠
經過兩個多小時大戰終於開得車
上左我們仲有d驚
因為剛裝上的車軚仲舊過爆左果
驚會再爆過,咁我們真是要步行返酒店
好彩都有驚冇險返到酒店
不過就少左兩個多小時
第四日行程即係最後一日行程
我們去玉龍雪山可惜james唔舒服
不能和我們同行
上到去真係好凍空氣稀薄好多
不過唔係我們想像中咁凍
雪山上和雪山下既溫差真係好大
落左雪山太陽都幾溫和
如果香港夏天有咁溫和就好喇
最後一個行程睇'印象麗江'
開始時都覺得會好悶
不過睇落都幾好睇
哎呀!我們都係衰收未
曬到豬頭咁
紅既紅既、黑既黑既
睇完之後趕住去機場
去到機場比起飛時間還要早兩個多小時
被迫係飛機場濟留
都唔知做咩好我、doris同lawrence一齊玩uno
好煩呀個lawrence
嬴就一蚊輸就一亳
哈哈!我同doris聯手攻lawrence
佢想嬴都難
佢地見我們玩得咁高興
大家一齊玩uno
時間先冇咁難過
我們返到香港已經係十二點既事情
唉!咁晏先返第二日都要返工
好可憐呀!
|
