好早就出左門口，因為我地根本就唔識得去，
所以唔知係邊個站下車。
行下行下就去左九龍地鐵站，
其實都唔係行得好遠。都驚唔識得返轉頭。
順便係九龍地鐵站食早餐，不過時間不多了。
只不過得半個鐘，根本就唔夠時間去食，
所以我就無食。只有winnie 佢一個人食，
食得相當之趕。食到一半就要趕住走。
跟住我地行番轉頭，
行下行下都唔知我地行左去邊？
明明走錯路winnie一點都唔發覺，
佢又唔話我知要去邊，
只有跟住佢一路行。越走越遠，
越走越唔知去邊到。
我地走左一個鐘先搵到我地方向。
去到佐敦總校已經遲到整整一個鐘，
佢地已經開始了很久，差不多要完結了。
被迫要人地向我地再講多次，
不過佢好快就講完。
（可能因為唔駛睇住Powerpoint講多次，
所以就會快一點吧！）
跟住我地跟簡小姐去辦公室，
ｏ個位小姐對我地都相堂之客氣，
成日都叫我地坐，不過我地都無坐，
因為根本就唔想坐。
當我地離開去食午餐既時間係仲有十五分鐘就十二點喇，
我地去左佐敦總校只不過去左九個字。
我地有大把時間去食我地既午餐。
鄭小姐介紹一個地方食早餐係相當之出名，
食完之後，果然沒有介紹錯真是很好食。
佢地亦相當之忙碌，根本就無時間會理會你。
食完野就會趕住你走。鬼叫人出名咩，
趕我地走我地都無辦法。
我地下一個目的地係去明愛，
連簡小姐都唔知道點去，我地更加我駛講啦！
雖然我地仲有大把時間，
但是我地唔想好像今朝早一檥，
要搵路要搵成個鐘先搵到方向。
我地作出相當神聖的決定，就是塔的士。
咁樣就唔會迷路啦！
我地去到明愛只有少部份人係度，
我地唯有準備好一陣間既講座工作。
家長亦都開始進場了，ｈａｌｌ裏面分開左好多區，
我地既任務就帶家長去佢地所屬果區。
大約二點半講座就開始了，我地任務就差不多要完結了。
不過我地接下來仲有任務，它就是收錢。
好討厭就是收錢。因為驚收錯錢。
到要收錢既時候，簡直一遍混亂。
好彩我冇人搵我收錢姐。
點數既時候發現ｗｉｎｎｉｅ少左一百蚊，
驚死人！好彩都搵番果一百蚊。
頭先好好人叫我地坐既女仔少左一百蚊好像想剎死人，
同頭先簡直判若兩人。
|
