今日係home睇戲睇書，之後jeff,kazu黎左，
初初都係睇戲同玩電腦，跟住佢地話想周圍行，
所以我陪埋佢地去，周圍行既中途，
係個火車軌到見到一具骨頭，
初步推斷係一庫貓骨，
死因係比火車撞到重傷致死，
跟住 去左個公園到，
有人係到放風爭，同我果個一樣款，
佢超容易就放都好高，唔抵得佢地，
我琴日放咁耐，佢超快就搞點，
睇完風爭，去個類似郊野公園既地方，
見到有d鴨,雞,白鴿,火雞係到，
我見到地下有d爆谷同薯片，
所以執起餵鴨，但係唔夠餵，
所以jeff,kazu就諗起去new world(超市)
同ware house(超市)買面包餵鴨同埋買佢地d零食，
所以我地山長水遠行去買，起碼有3,4條街遠，
行死，買完又老遠行去，
初初jeff,kazu就食佢地d lunch，
食完有個family問我地想唔想餵鹿，
佢比左d面包我地餵，
隻鹿一次一塊包，食超多，
比我摸到佢隻角，餵完鹿就到餵鴨，
我地去左條橋到，下面就係水池，
我地用唔同方式去餵，整到好細粒，
然後將好多粒放入口，
跟住好似機關槍or散彈槍咁噴出去，
又或者整到超大舊，拋落水到，
但係呢個因為太大舊，
沉左落水，所以冇鴨食到，
餵完去左附近既遊樂場到坐，
玩果個氹氹轉，輪住玩，
玩到頭暈暈，有d想嘔，
然後各自番home，
好彩唔係太早食飯，如果唔係冇餵口食！
|
