2個月16日in nz:
今日第1堂science，因為有d人冇交project，
所以miss罵我地，請埋隔黎房既呀sir一齊罵，
好彩我組交左project，唔洗小息留係到做，
第2堂ESOL，開頭係到問呀sir，
我下年讀唔讀得ESOL d野，之後教左d生字，
半個鐘之後去hall聽自選科d野，
第3堂ICT，冇咩野做，係到用小畫家整個
Dannevirke sports club標誌，
但係都諗唔到點整，淨番十幾分鐘落堂，
miss叫左我同幾個男仔去幫手搬個畫板，
搬左一塊，好鬼重，點知唔係我地要個一塊，
我地要個一塊原來鎖住左，拎唔到，唔洗搬，
第4堂english，個miss叫左一個學生
朗讀一本書，點知讀讀下佢唔識讀d字，
唔讀，比另一個人讀，之後個人用左20分鐘讀完，
然後睇羅與茱，lunch有女子低年級籃球比賽，
有d ok勁，有d好似打netball咁，
不過對比香港d女仔黎講都好好多，
打鐘去tutor點名，坐低左一陣，
突然之間火警鐘響，要去大草地集隊，曬死，搞好耐，
第5堂art睇番個個藝術家，
放學番home打羽毛球，冇心情打，
食飯，食完去school舉辦既活動talent quest到，
jeff, kazumasa, stef, misuki都有黎，
有21個參加者，有比賽獨唱、
打鼓彈琴、合唱、跳舞、夾band，
初初d獨唱好差，之後個幾個先好，
打鼓彈琴ok啦，合唱有一個超搞笑，
跳舞，成場得一個比賽跳舞，
唔洗同人比就有獎拎，真係好，
夾band有一隊好變態，鬼咁大聲，
唔知佢唱緊咩，冇d音調，
臨唱完前拎個結他出黎扑，製造垃圾，
意識不良，係hk既話晨早被比人cut唔比出場，
咁都拎獎，唉！臨尾有d表演好搞笑，
德國個stef都有上台表演，
我家姐錄左video，想睇番hk時搵我啦，
10點野晚番home，本來mizuki個
homestay話黎車我地番home，點知冇黎，
有個miss車stef,misuki同我家姐去我home，
然之後叫我,jeff同kazumasa跑番我home，
我一路跑，一跑拎部電話播歌，
勁野，番到我home，個miss放低我家姐同steff，
接mizuki,jeff同kazumasa番home。
2個月17日in nz:
第1堂HEA，轉左做PE，
玩体操，咩都玩曬，幾好玩，
第2堂english，去圖書館睇書，30分鐘之後去hall，
聽選科同派張選科既紙要我地寫，
第3堂maths，去電腦室，
我終於登入到個網，係咁做數，
第4堂ICT，設計個dannevirke sports club
既標誌，大概諗到點整，
第5堂science，開頭聽左兩組同學匯報個
project，然後去電腦室，
因為我幾組未做完，我組做完，
所以自由上網，
我就繼續設計個dannevirke sports club既標誌。
2個月18日in nz:
今日第1堂art，成堂個miss都唔得閒，
之後準備開始學毛利畫，
我覺得d毛利畫好令，好想快d學，
第2堂PE，又係玩体操，
第3堂ESOL，心不在焉，
唔知係咪因之為陣間個test，
教完生字做test，ok幾好，
不過未做曬就落堂，遲d再做，
第4堂maths，去電腦室上網做數，ok無聊，
第5堂ICT，繼續設計我個sports club標誌，
但係未做完。
|
