今日食完lunch去天瑞打ball，早到左，
喬話黎見下我變成點，但係佢唔識個球場係邊，
所以我叫佢係m記等我，佢又早到左，
見到佢有d驚訝，因為佢著高跟鞋，
雖然係世界上面著高跟鞋既人係好普遍，
但係我未見過係我同學身上出現，
之後我狂打電話比colin,woody同黃政文，
叫佢地快d黎，黃政文話想係m記食d野，
咁我又叫曬colin and woody去m記等，
點知轉頭佢又話係近樂湖果個排球場，
XXX，話轉就轉你估咁易呀，
之後woody黎到我就帶佢同喬去果個排球場，
然後再打電話比colin叫佢去果個排球場，
係電話入邊黃政文話冇其他人，
點知去到見到某某男排同佢個咩咩，
下次真係唔知信佢定唔信佢好，
maybo同佢果個唔知係咪fd既人我唔介意，因為我唔識佢，
之後我係到坐左一陣同woody and colin喬傾左陣計，
同woody and colin玩左陣rugby，
跟住某某男排同佢個咩咩走左之後我就出去打，
雖然一開始未打熟唔係咁好，但係之後ok，
但係殺ball就唔得然後喬maybo同佢果
個唔知係咪fd既人相繼走人，
然後我地打左陣ball再去買野飲，因為懶得行，
所以去左原本約左果個排球場到打，
本來諗住打籃球，但係冇場，所以打排球，
係到練開ball，都唔錯，跟住set ball殺ball都ok，
打完之後番home先等我呀爸車我去打羽毛球，
去到打，初初打都係唔係咁好，
但係打左一陣都幾好，差就差在我既戰術唔夠好，
打完去打邊爐，78蚊位任食任飲，超飽，
食到11點，我仲係著住打ball果件衫，短T短庫。
|
