今日10點約左呀mark係我home等，

跟佢homestay車我同mark去town入邊既church到，

因為呀mark係基督徙，入到去係到唱歌，

打band唱詩歌，幾好聽，跟住有個牧司講下經，

然後有一個人出黎講佢既經歷，好似好慘，

講左成個鐘，之後就比d信眾交流下，

有個老師都係信眾，過黎同我mark傾計，

佢問我一句英文，聽唔到佢講咩，

但係我反應太快就答左佢yes，

跟住佢又問我係邊到住，

我就講左佢比聽我homestay個名，

然後佢又問我homestay個姓，

因為我唔記得我homestay姓咩，

佢問我係咪邊個邊個，我又答左佢yes，

完左之後呀mark同我講，

個呀sir頭先問我係唔係咪基督徒，

因為我快口答左yes，都唔知點，

跟住我homestay個姓又係，

聽日要搵番個老師講番先得，

第一次去教會，打band幾好聽，

去完church，去銀行拎錢，跟住去買野，

4個幾3包timtam，超平，

跟住去左間中國人開既鋪頭睇，

果個老板睇緊珠光寶氣，成間鋪都聽到佢播緊，

然後呀mark去我home既時候，撞到kazumasa，

我地又去左佢homestay到傾左陣，

之後叫左kazumasa黎我home，初初係到傾計，

然後kazumasa係到聽歌，

所以我就同呀mark係到打機，冇幾耐佢地就走左。