今日我一早拖地洗廁所，跟住食完lunch就去搬汽水，

又去買碳，之後jeff黎左，佢第1次著佢果件金色既乾濕褸，

真係好搶眼，跟住因為其他人都未黎，

所以jeff就用我電腦玩cs，

過左陣colin,lun,文,woody黎左，

我地就上搬d野上天台，準備燒野食，

起火,爐具,餐具,食物等，跟住陳皮,mark黎左，

我起搞左陣先開始燒，開始係到燒丸，

初初都諗住唔夠，不過都ok，燒到天都變黑，

因為冇手套，所以要搵手將d扒叉落去果個燒烤叉，

但係我又唔想佢地成日洗手，浪費d水，

所以我幫佢地叉曬，之後我洗手，

其間佢地係到講鬼故，

但係次次講到個氣氛好"恐佈"既時候，

要加碳同撥大d個火，佢地要行開曬，

廢事比d灰同煙吹到，就係咁搞亂曬個氣氛，

我地又燒棉花糖，好好味，外脆內軟，

之後又燒豬扒，但係因為jeff,colin果d講鬼故講得興起，

所以就話想要夜d去"達得"到，佢地仲call左好多人去，

佢地就話唔想再燒，之後淨我就係到執野，

佢地就圍住個火爐取暖，番落到home，

我地係到影團体相，平時話要影，個個都走人，

今次個個都好合作係到影，影完佢地走曬，我就係到洗碗！