今日呀爸煎年糕,羅白糕食，跟住成家去食lunch，

食完我,媽同埋2個家姐去搭車去將軍澳，

去到就去間酒樓到拎位，我地book左間房，

我地4個係到打麻雀，第2鋪就比我食清一色，

跟住冇食過，之後我呀婆同細舅母黎左，

我2個家姐就比佢地打，因為第1次同d長輩打，

仲要打錢添，所以好緊張，

頭果幾圈都係我出沖搞到我呀媽輸錢，

之後我細舅父黎左，佢同舅母對調，

打左幾鋪都差d食到清一色，但係打到尾都冇人食，

跟住有一次我d牌太令，都唔知打咩好，

跟住我細舅父出沖，我食混一色，跟住過一陣，

我地打左好耐，d牌就黎拎到冇曬，

我叫清一色筒子，我有7,8筒，可以要要6,9筒，

我最後一個拎最後一隻牌，境然比我自摸6筒食清一色，

仲要仲要係最尾果一隻，我呀媽都keep起左3隻6筒，

我咁都食到，真係神奇，我呢兩鋪都贏左過百蚊，

打完呢鋪我就離場，過左陣要清場，

我同我呀媽加埋都贏左70幾蚊，勁野，

我地跟住食dinner食到11點幾！