星期日我,爸,媽,stef,stef爸去左行山，
我著黑t-shirt,深灰色牛仔,黑色boot,黑色牛仔帽,背囊，
我地係青山村上山，初初上去果條路係行梯級多，
都休息左好幾次，行左2個幾鐘，先到頂，
去個果個燈塔既野到，係到個頂到仲有個涼庭，
係果到休息左好耐先開始落山，
我地落山行第2條路，條路係去良景，
我地要跨過一個又一個既山頭，
途中有好多沙石，所以好易跣低，
我呀爸就跣低左，整爛左個GPS同埋枝行山棍，
stef同stef爸行得慢左，所以我地分開行，
我地係某個山頭見到佢地係離遠隔左好幾個山頭上，
我地大叫同佢地講野，緊住佢地又應番我地，
之後係我,爸,媽落到去良景，
即刻去7仔買左2杯思樂冰，之後去左叫野食，
食到差唔完既時候stef,stef爸先黎到，
你諗下我地同佢地既佢離差幾遠，
我地行左5個鐘到，真係行死人，
上山就練心肺功能，落山就練平衡,意志,思考，
我條深灰色牛仔同黑色boot比d石粉,沙整到變左灰色，
好似打完仗咁，增添左d粗獷感！
|
