琴日係第1日開學，但係淨係得year9同13要番，
我跟我homestay車番學，晨早樓樓一個學生都冇，
打左鐘我地去hall，分人去tutor，
比我見到網球服少女，佢入左G4，
我個tutor有1男2女黎左，我地d year13要帶班year9周圍遊，
遊到咁上下又去hall聽野，之後小息，真係好悶lo，
mark又唔係到，又鬼咁曬，冇得打ball，
所以又係用周圍行，行行下經過一個暗位，有班year9係到，
跟住有個叫我個名，我係到望邊個咁勁，
會識得我個名，原來係網球服少女，
佢著左校服同其他女仔一齊企係，原來係咁矮，
之後行到邊都有男有女走黎問我佢咩名，
小息完year13去common room，講要點用間房，
又講星期4-5個year13 camp，要分組話準備野食果d，
人地個個分曬組，得番我一個，所以走去d熟d既人到問，
可唔可以入佢地個組，入左之後佢地都冇分工，
到時都唔知點算，搞完呢d我地去左art room，
話用報紙整 t-shirt，又要咩EBS logo，
d人亂咁搵d報紙貼住前後就話衫，我果d雖然細左d，
但係成件野都係一張報紙過，最後整左件西裝背心，
再加條tie，到最後都冇要人行出黎比人睇，
搞完我地又去另一間房，畫隻船唔知搞咩，
之後lunch，又自己一個行，好彩玩左d咁既野，
同d同學熟左d，行過都傾到好幾句，
跟住year13去間房，又畫咩plan view果d，
之後去左gym到玩遊戲，我事先知道左要去，
心諗到時一定要除鞋，所以神早搵膠布貼左隻腳指公，
果然不出我所料，放學自己一個落town，
我上年走果日，留低左一箱用品係舊homestay到，
果d野係每日必需品，點知今年番到黎，
我舊homestay同我老師講話冇見過，
大佬我果到成大枝洗頭水，新開既牙膏,風筒,噴水‘糊’,
]
拖鞋,拖板同分插,一個電子磅,soap等等等等，
呢幾日冇拖板，我間房得一個插掣位，搞到插得一樣野，
好彩上年stef留左d係到，我放左係ESOL房到，可以用住先，
洗頭水有第2枝，風筒同噴水‘糊’搵其他野代替，
拖鞋我搵對舊波鞋踩住先，但係要去year13 camp，
所以要買對拖鞋同買枝新既牙膏用住先，
之後行番home熱死，路程遠左，我要全程擔遮！
今日7點50分就番左學校，而家year13，
有得用common room，所以我就去左搵老師開門比我，
我諗我每一日都會係全校第1個番既人，
我之後望住year13續個續個入黎，打左鐘後，
要去hall到搞新生歡迎會，d chair一排過面向走廊位，
我坐第1排，比人望到正，跟住我地全校要跳毛利果d歡迎舞，
我咁前唔跳唔得，跟住仲要比人影相，慘，
之後又要唱毛利文同英文歌，歡迎完去common room到寫文，講自己，
第3堂english，又係答問題講自己，
第4堂calculas，好多人唔係到，所以未開始教，
我成堂就係係到放紙飛機，lunch終於有機會同mark傾到計，
第5堂study，因為未教過野，冇得溫，所以我係common room吸塵，
搞完係到坐，等放學，再同mark一齊落town，
真係山長水遠番home，去到我到mark見到我暗部面具同埋個苦無，
係咁讚好，佢雖然都有2枝苦無，係我個正過佢果個好多！
|
