星期四woody黎左，我初初又係show相比佢睇，跟住同佢玩下rugby，

之後玩wii，5點幾走左，夜晚去做冬，我著曬boot戴曬鏈咁，我都係第1次係長輩面前咁著法！

星期五朝早約左小學同學係天富站等，點知等成半個鐘都冇人，凍死人，

最後自己直入WF，入到去見到我果屆既同學係到打球，

佢話其他人去左食早餐，真係XXX，之後係到等其他人黎，

d人越黎越多，原來有7屆畢業生係到，跟住有個畢業生籃球比賽，

有第1屆vs第7屆，即係當年P6 vs K1，然後我地果屆去左天台，

係第一次到果到，跟住又周圍行，見到一個女，

好熟口面，我諗係一個以前係交安d 隊員，估唔到變到咁既樣,

之後學校對出個空地變左個棒球場，又見到有人玩，仲著曬正中棒球裝，

真係好想走去玩，之後又係學校見到有3-4棵silver fern，

最後完曬成班去飮茶，d同學問外國D女仔靚唔靚，跟住我話緊係靚啦，

佢地問我有冇食到，我話呢D野唔好提啦，佢地就話咁即係有啦，

之後我就狂否認，跟住有個同學就拎左部電話出黎,

上fb搵我同我師姐張合照出黎,放大問我係咪呢個呀,我話唔係,

D同學就話已經唔係呢個，人地轉左喇………，

本來約左黃政文，但係臨時話要去陳正記見工，

我跟我gary去，試搬d狗糧，仲諗住好重，點知輕到，

跟住第日可以番工，番1:30-7:30， $30一個鐘，

夜晚去打羽毛球，有得試新鞋!

星期六朝早去YL食飯，食完番工，初初去到幫手入貓同狗糧，

入细袋又要封口，有時客要野，又要入倉搬比佢地，

果d糧又鬼死咁多種，又要記名又要記位擺邊，

d客係一批批咁黎，時忙時淡，眞係做足6鐘，之後又要收鋪!

星期日番工，一返到就有野要做，跟住幫手pack貓糧，

點知部封袋機唔夠熱，搞到封唔實，有一袋狗糧係我搬嘅時候爆左，

搞到成地都係，之後又有一包喺拎上櫃面入袋嘅時候爆左，

搞到成個櫃面都係，幾驚比人話，跟住估唔到宜家咁多人燒野食，

D炭賣得好快，我都搬左勁多次，宜家呢份工放工有早冇遲，

成日都早番到屋企，真係好la!

星期一番工早一個鐘番，早一個鐘放，做野推車仔，

點知轉角時，架車角剷左入包狗糧到，整穿左，跌左d出黎，

好彩用膠紙貼得番,跟住而家開始記到d野擺邊!

星期二請假行山，同屋企人,stef屋企人, 黃政文, peter叔叔屋企人行，

由丹桂村果到上，行d沙石路，完全可試驗我對新行山boot，

好似架hummer車過d野咁，行曬全程一半水都未飮曬，行得果dd，真係曬野！

星期日係1/1/2012係陳正記到拎包炭($25)番home，

踩單車將袋炭掛係單車邊，搞到左搖右擺，真麻煩，有時有其他車跟住，

或者d對頭車，都有d怕炒車，番到home燒野食，stef family黎左，

玩wii，有個賽車game，幾好玩！

星期二係同陳燕成一齊做工既最後一日，佢要番新加坡，以後少左個人幫手，我就有排忙！

星期六請左假，跟住約左我師姐，同佢踩單車，

點知佢唔知咩事，踩到去藍地就話要番轉頭搵黎搞，

之後我地搭車去新虛睇戲，我師姐選左龍門飛甲3D，

3D動作片果然唔同d，睇完我地去左行一陣，同諗住去食腸粉，

點知佢下場約左人，趕住走，夜晚去同呀婆果d食飯！

星期二去行山，行元荃古道行左6個鐘！

星期三番工，去左運吉，果d 12吋吉重到要兩個人搬，之後仲送吉去我家姐教果間小學！