星期六終於到左要走既時候，新既開始，搞到我神經緊張，
一入左離境大堂就進入裝態，估唔到我會係飛機訓得著，
不過都係醒訓，落機之後，我比人指去果個自動過關機，
放個passport入去，touch screen答2條問題，就彈左張飛出黎，
拎左就去部果d好似e道既機到，插張飛入去，
之後企定望住個鏡到，出去再清關，去到就咁問有冇帶野食，
答冇之後佢就好突然咁講88，X光都唔洗照，
去到內陸機場放低個大行李，個人問細行李幾重，磅到7.1kg，
跟住入gate前又入面清關多一次，估唔到內陸都要清，
準備入gate，d人又要我磅多次細行李，落機冇耐就見到mrs scott，
佢都唔係咁識路，等燈又鬼咁耐，搞到我又神經緊張，
去到搵到人幫手，佢check list搵到我名就比3條keys我，
上到4樓咁岩有個女仔係我間房走出黎，話咁快就識左一個，
跟住搬野上樓，搬搬下又多一個女仔，
我2個roommate都係女，跟住mrs scott送左魔戒既草圖書比我，d素描好正，
之後佢就走，其實我想佢留耐d，但係我又要執房，最後閉門執到死，
鬼死咁多野，之後搵katie傾左陣，傾傾下我兩個同房搵我，
自我介紹sam同jen，我諗係簡稱，之後問佢地電費,食野果d，
最後夜晚佢地煮埋比我，之後又帶我周圍遊cube！
星期一起身食左人地一塊包，都唔敢食咁多，
下午到諗住去我家姐介紹間supermarket到買野，點知搵唔到，
行到身水身汗，番Cube用電腦上網搵地圖，
再搵埋warehouse, new world先再去過，去warehouse想買床單，
但係唔知我張係咩size，最後都冇買，去家姐介紹間野，原來關門大吉，
我頭一次去係有經過到=.=”， 白行2次，
跟住去new world，行鬼死咁遠，買d日用品，
$1.5買左成個頭咁大既生菜，番到Cube煮野食時先發覺冇買豉油，
所以用上年食面留起既辣醬，加kazu留低既味精，都幾好食！
星期三去左果個新生入學式，其實都係聽廢話多，
聽完去cube既歡迎會簡介會，跟住去左買野，
終於買左床單, 豉油，買左少少 ham end，幾日冇食過肉，
我番黎唔記個帶指甲鉗，所以d倒刺幾日都冇剪，
我走左兩間2蚊店先買到，之後student centre到食免費晚餐，
我都唔識去，不過見到成班人都去果個方向行，所以知道跟住就去到，
跟住成日都落大雨，行番cube時，
見到3個一睇就知係中國女人，因為佢地拎住報紙遮雨………
星期四去creative art 既歡迎會，初初影團体相，
點知好多人都遲到，成班企曬係到等，又好似黎極都仲有，
因為落雨，所以係室內影，之後聽佢講廢話，然後有個派小食既活動，
我個roommate sam叫我埋去同佢d fd一齊坐，我諗都冇諗就沖左去，
坐低傾左幾句就靜坐，跟住有個遊校團，我就識左sam個fd james，
終於搵到人傾計，超正，又同sam熟左d，
完左食lunch，再去art果個活動，成班玩遊戲！
星期五去要聽4個講座，第1個都冇咩野(悶) ，
第2個有part係搵一個人，要有相同數量既兄弟姐妹，同色衫………，
跟住自我介紹，好彩坐我隔果個係都有呢d條件，叫john，
佢初初搵位時問我野關於我隔黎個位，我以為佢問有冇人坐，我答no，
之後見佢反應其怪，即刻答yes，我諗佢問可唔可以坐，
跟住係campus間cafe出面有bbq，我走去排野食，
之後有個asian女仔走埋黎，企左陣就同我講左d野，
我聽唔到，以為自我介紹緊，我即刻話我係geo，佢就呆一呆，
我講多次跟住又問番佢，之後就開始對話，
但係我係聽唔到佢講名，因為佢答完我就好快答其他野………，
跟住去第3個講座，要分組，初初同john坐，
不過佢見悶，就走左，跟住果個asian女仔坐左係我隔黎，
所以同左佢一組，點知做果d閱讀理解，悶死，
之後第4個講座講合作果d，之後分組，我去左個4男1女既組到，
多男仔果然唔同d，講野都易d，夜晚有個唔知咩party，
d人就著d古羅馬服，女仔係佔9成，不過我冇去！
星期六將個廳執位，又倒垃圾吸塵，
d roommate 唔係到就最自在，5點去左cube既bbq，又有雪糕，
係office拎件free tshirt，見到另一個打扮得不錯既疑似hk男仔(似jeff)，
其實之前見到都有留意佢，係office撞到，我地都有d對望，
跟住佢見我拎住銀包，問我件tshirt幾錢，我話free果d，
之後佢問我邊到黎，跟住我答hk，佢話佢又係，
我地就好似失散多年既兄弟咁，超興奮，因為我係佢第1個識既hk男仔，
我係有勁多日冇同人講野講得咁自在，佢叫jimmy，係個魔術師，
show左d d比我睇，真係隻手fing一fing，隻牌就轉左，第1次咁近睇d咁堅，
又上左去佢9I到，原來5人房有熨衫d野，
講番原來我地見到對方時都覺得對方似hk人，終於有伴，唔洗成日留係房到！！！！
星期日約左jimmy黎，我show左我d game/戲果d比佢睇，
講講下又叫我學魔術，係咁推銷，隔左陣佢就走左，
之後佢再黎，帶埋hard dise黎過戲，又試玩左陣call of duty，
點知佢嚴難唔玩，第1次見人覺得隻game難而唔再玩…！
|
