第一日番大學，約左jimmy早45mins去霸位，
去到互影左張相，入去lecture坐，未夠鐘就坐滿曬，
好多人都對第一堂緊張，但係我又唔覺d咩，
可能之前o week都咁樣，所以冇野，都係聽下野，抄下野，幾快完左，
跟住同jimmy去cube樓下間面包鋪，聽到個老板講中文，
同伙記講整叉燒飯，我聽到就同jimmy一人叫左一個，
跟住同老板講中文，食完之後我就去上堂，
materials- design and making，去到見到一個男仔，
其他全部女仔，咁我一定去個男仔到啦，叫PJ，
又住Cube 9樓，之後黎左個台灣既男，叫joey，同我講國語，
都唔係咁聽到，跟住我roommate sam都係到，上兩個鐘，
講要用唔同material去整唔同野，我覺得似chemistry咁，
將d分子分離結合，上完同PJ行番cube，夜晚呀sam煮野，
我聽到d煎炸聲，跟住佢同佢個fd係到嘈，我出去睇，
見到勁多煙，我就將抽油煙機開到最大，開曬窗，關房門，
fing碗布吹散d煙，幾驚整響個smoke alarm，d煙散得7788，
我就拎左佢整到 “lone” 曬底既pan，抹乾個底，燒熱左個pan，
加油撈混個pan，再放塊魚排去煎，係冇煙咁濟，
我都唔知佢點搞，最後煮左比佢食，不過唔知熟唔熟曬，
佢問我點識整，初初我講左煮呢d應該係common sense，佢好似get唔到，
定係我好mean，所以之後我話睇呀媽學，之後夜晚我洗碗，sam出黎幫手，
佢又同我講佢art and design studio B有個project，
要唔知點每星期坐係d野到3個鐘畫野，要做6個星期，
跟住佢抽到vehicle，佢又冇車係到，所以可能要坐巴士坐到窮，真係慘！
夜晚2點，火警鐘響，初初聽到聲以為鬧鐘響，望電話又冇野，
先知係火警鐘響，即刻著對鞋拎電話, keys, 電筒就走，
睇到d女仔冇化妝，外國人果然唔同，天生麗質，
跟住又見到個男仔著住孖煙通同背心底衫走火警，
又有個帶埋手提電腦，幾搞野既經驗！
第二日番大學，約左jimmy早45mins去，去tutorial ，
個老師講，要寫2篇1000-1500既essay，唔知到時寫唔寫得出呢，
上完jimmy去我果到煮面食，sam又係到，出奇地我地3個又有野傾，
3點到就去上art and design studio A，有大半班都唔知係咪我果班，
因為個stream時間表亂曬龍，如果冇錯呢，PJ又係同一班，
jessie又係(之前o week分組4男1女其中一個) ，
跟住比勁多時間我地認識其他人，又好似熟得幾好，識左個ryan，
上堂講fingerprint果d，好似好好玩，
但係好似都唔係幾知點做，跟住提早半個鐘放！
第三日番大學，又約左jimmy早45mins去lecture，
講點樣從唔同方面去睇一個圖，DHS個art miss都有講過，
但係就齋講，好空，呢到連埋圖，但係個lecture唔夠時間，
所以講得好簡，跟住去買A2簿$ 20,ink$5.5, 電話增值$20，
之後又去食炒飯$11，洗左好多錢，係到聽老板講佢d那些年，
2點去上drawing 1，ryan同jessie都係到，班房冇seats，
上堂又比時間我地認識，要識個人，跟住對住全班介紹你識個人，
呀sir再問我叫咩名，我答geo，佢問點串，我超快答左g-e-o，成班係到笑，
個呀sir都笑左，之後睇左陣powerpoint，再畫d瓜菜，
要畫到起曬角，功課要drawing A5 x100！
第四日朝早同jimmy去圖書館，之後去買A1紙同folder，
加埋$17個幾，之後3點到就去上art and design studio A，
要我地互相睇下對方既finger print work，之後都冇時間比我地做，
就已經開始signature ，跟住又叫我地試畫，
完堂既時候落雨，我果個A1 folder係紙皮製，
所以唔濕得水，所以我就問呀sir借左個垃圾袋，套住個folder番home，
jessie又拎住個A1 folder，不過唔知佢最後點走！
第五日朝早9點上materials- design and making，
我去左參觀個workshop，之後上堂叫我地互相睇下對方帶番黎既material，
我miss話我果個紮住書簿果圈鐵線好特別，
之後我地互相係對方個頭到貼張唔同material 既紙，跟住你問d特性果d，
去估下自己係d咩，我果叫flax，都唔知係咩，
跟住又睇d presentation，放左去town到meet jimmy，
去bank整野，點知唔記得帶passport，所以要去new world買野，
果個student loan都冇過錢落我account到，搞到我買野買到冇錢，
之後jimmy又帶我去間賣中國野食既地方，買完番home煮lunch，
食完又出過town，2蚊店買野，之後又去bank到搞visa同online banking，
都幾順利，幫我果個女仔幾好，
搞完去間賣軍事用品間野到睇，
佢寫住 “nothing u need, but everything u want” ，我笑左，
佢呢間野應該係我幾年前睇過果間，不過搬左黎呢到，d野好正！
夜晚做果個A5 x100既drawing，有排畫，
3am到嘈醒左，比打風同sam d fd嘈醒，佢地去完party番黎………
星期六打大風，吹到燈柱都搖，又勁大雨，
好彩唔洗番學姐，跟住成日就係係到做果A5 x100既drawing，
又有d reading 要做，睇左都唔係咁明，
做drawing 做到死，夜晚訓左，12點到又火警鐘響，
又大風又大雨又凍，好彩我落黎既時候都有著多件褸，不果都唔掂！
|
