| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2010 年 5 月 1 日 星期六  |
| 2 hours spa |
分類: 未分類 |
chemistry個test改左下星期2，
今日去呀jeff到，佢homestay有按摩浴缸，
所以我有得浸下，落到水發覺比太陽曬住，
所以我同jeff要上水，然後搬個太陽傘遮住，
因為d水浸濕左件衫上左水件衫就變到好凍，
所以我地要就住件衫，等件衫點唔到我地個肚，
我帶左個玩陀螺果個盤去，然後放係水上面浮住，
我又帶左飛行棋，放個個盤上面同呀jeff玩，
最後比我贏左，呀jeff都係差我少少，
然後我地又傾下計，最後浸左兩個鐘有多，
浸完我地睇戲，然後落勁大雨，我冇帶遮，
所以就拎住個陀螺盤遮雨！
|
| 2010 年 4 月 28 日 星期三 |
| 2個月27日in nz 2010 |
分類: 未分類 |
琴日英文既小組計論到我，好彩我同幾個都熟既講，
今次仲要錄影，個題目係ANZAC Day，
好彩我都識d，最後都pass左，
我夜晚down左graphics用既電腦程式，
google sketch up，都ok好玩，整咩立体野都得，
今日第1堂ESOL，stef,mizuki,nurlizah都去左palmy，
所以得番我,kazu,zafaar同新黎個日本女仔riona，
好似係咁串，不過我地都各自做自己d野，
第2堂maths，做d ok易既野，
第3堂chemistry，因為星期5會有test，
所以呀sir比左張ws我地做，
第4堂art，所有野都幾順利，
lunch同jeff去graphics room做野，
佢比呀sir捉去，我就去幫佢手同做下我自己個project，
呀sir要佢打project後既總結，
呀sir比左一個人既比jeff參考，果個人寫得超少lo，
我亂寫都多過佢好多，第5堂english，睇書，
放學去打羽毛球，如果入會學生價$40去到9月，
跟住每次去都要比2蚊，唔入會就每次比$5，
如果我打到去9月就入會平好多！
我今日打得超差，開低ball唔得，
drop ball唔得，殺ball唔得，跟住又唔係幾識走位咁。 |
| 2010 年 4 月 24 日 星期六 |
| david's homestay |
分類: 未分類 |
今日同jeff去david到，同佢隻狗玩，
隻狗一放出黎就好興奮，係到圍住我同jeff,david，
跟住我地玩好多種唔同既牌games，
又打3人麻雀，跟住臨尾玩左陣GTA，好耐冇玩過lu！ |
| 2010 年 4 月 21 日 星期三 |
| 2個月20日in nz 2010 |
分類: 未分類 |
今日番到學校見到ESOL房出面條走廊盡頭果對門終於重開，
所以經過ESOL房門既人又多左，平靜既日子冇lu，
d女仔行過say hi，男仔就走入黎參觀，
今個term黎左個日本女仔，好始唔多識英文咁，
第1堂graphics，做新一個project，設計張組合書檯，
第2堂ESOL，做練習，
第3堂maths，係到做數，呀mark成日做做下又停，
成日比我話佢發夢，做一題都鬼咁耐，
第4堂chemistry，將之前d野用係而家d野到，
真係好彩冇唔明，如果唔係有排搞，
第5堂art，我係到做我d畫作，點知miss講得慶起，
要我地停曬手聽，之後又拎張大紙放係地下到，
然後企係到亂畫d野，感受一下個畫家點做，
畫幾畫就拎曬去丟，真係製造垃圾，
放學打羽毛球，一開始就同3個勁人打，
但係佢地個個都不在狀態，我個隊友又失好多球，
所以我諗我隊輸幾分，然後打多鋪就係到開會，
講d收支，成45分鐘，講完後打多鋪就走人！ |
| 2010 年 4 月 15 日 星期四 |
| 2010-04-15 |
分類: 未分類 |
今日international students同兩個老師去個school trip，
kazu送左個寫住"recycle or die"既環保袋比我，
首先我地去sanson既amazing maze，
個maze係由栗米果d植物整成，所以有成2米高，
其他我地係要去個maze到搵d數字，
好次有10個，我搵得3個，個maze入邊有個高左出黎既觀景台，
又有個大樹，跟住可以聽到高速公路d車聲黎定位，
所以好易搵到路，mark同david見到我，
諗住黎搵我，所以我即刻走，佢地又追住黎，
所以好似係到玩捉迷藏，搞到佢地迷路，
後尾我帶佢地出番出maze，佢地連個入口係邊都搞左方向，
因為入口有屋係到，所以佢地見到有屋就以為係入口，
我行到出曬汗，之後去食lunch，
再去個小型室內賽車到玩，初初去到見到d人玩超勁，
d人飄移時響胎超大聲，好似個個都響到超大聲，
搞到我都驚驚地，之後坐落架車都就唔緊張，
初初續個續個開車，開始時我都係試下d油門,殺車制,呔盤，
跟住覺得好簡單，之後就加速，飄移原來都唔係好難，
真係同打機d制差唔多，仲易好多添，
呢d車冇得倒後行，所以如果你撞左跟住行唔到，
就要等工作人員黎拉番你架車出跑道，
我都係比人拉過架車一次，其他人都比人拉好多次，
跟住我都撞過2,3次，一次係前面架車撞左，
我停唔切就撞到，跟住一次比後面撞，
一次就唔知咩事撞正去d車胎到，
條安全帶"cho"到我條脛紅曬，
又有好幾次我飄移勁得濟，成架車前後調轉左，
好彩我都可以U turn轉番去跑道，
有一次又係咁，好彩係個大彎到，d路好寬，
我前後調轉左，我就渣去一邊，
然後係到指揮其他車過，我好似交警咁，
一隻手指向去行個方向，一隻手叫d車繼續行，
d車走曬我先U turn番再行，我呢d真係安全駕駛，
停定望清楚先再行，我地玩左半個鐘，
david有15 laps and no.1，
芬蘭女仔有14 laps and no.2，
jeff有14 laps and no.3，
我有13 laps and no.4，
kazu有12 laps and no.5，
mark有12 laps and no.6，
mizuki有10 laps and no.7，
stef有10 laps and no.8，
跟住就去palmy shopping，
夜晚果餐本來食我自己帶果d三文治，
但係最後同我兩個老師,jeff,mark,daivd去飲茶，
教左佢地d飲茶既禮儀，最後每人$16，跟住番home。
相簿nz 2010有今次d相！ |
| 2010 年 4 月 14 日 星期三 |
| 5人水戰+羽毛球 |
分類: 未分類 |
我星期日搬番去我homestay到住，
今日我,david,stef,mizuki and jeff係mark home水槍大戰，
我,stef and mizuki一隊，david同jeff，
我果把槍真係好正，一路射人一路入水都得，
stef同mizuki成日都躲埋，
好彩我枝槍火力夠jeff同david黎，
間唔時stef同mizuki突襲jeff and david，
我好中意射呀jeff個面，所以呀jeff成日都防我，
mizuki就有機可成，射中jeff個面，
跟住我覺得我成日都射得ok準，
係呀jeff個盾d邊邊位到射中佢個面，
跟住有2次係david唔留意既時候，
我走近佢對住佢個面用山洪暴發，中正，
最短距離果次都有10cm到，我今日對jeff全部都係普通水柱，
因為佢個盾實擋到山洪暴發，之後次次擋到都好鬼得戚，
有一次我同jeff近距黎打，我捉住佢個水槍，
等佢射唔到我，然後我再射番佢，
今日枝新水槍冇爛到，但係我把舊槍就有少少問題，
不過都仲用到，夜晚打羽毛球，
今日要比$2，初初少人，所以搵左3個熟人打，我打得都ok，
第2局我 and uncle vs 一個好高既少年 and uncle，
2個uncle d ball都打得好，果個少年d球都好令，
之後又肯去救球，佢地好幾次都比我"fick"到佢，
然後有幾次我開高球，佢即刻殺落黎，佢殺得好令，
佢夠高所以就殺到去網前，但係就打到去我拍前，
我即刻打去網前贏左，我狀態超好，
drop ball又贏左好多，不過唔知呢局贏定輸，
就係知吧呢場好正，之後有一局我同個超識走位既人打，
佢真係反應快到，個ball先岩岩打緊黎，
佢就走到去果個位打，真係好神奇，
我見到之前個網球服少女，佢剪左頭髮定唔知點，
完全認唔到佢，我真係要走到好近先知到係佢！ |
| 2010 年 4 月 9 日 星期五 |
| 新水槍之維修記 |
分類: 未分類 |
今日係到自己裝水玩我枝新水槍，
射射下果個製禁左入去，彈唔番出黎，
我就即刻上網，個網有我呢枝水槍既分解圖，
然後我又即刻去我homestay到拎螺絲批，
番到黎就拆開佢，點知d螺絲上得勁得，
最後我要用鉗寧開佢，把水槍用超多粒螺絲，
開左好耐先開到半邊蓋，之後終於搵到個原因，
同我估計既一樣，就係果個拉住個製既果個彈弓一邊斷左，
應該係金屬勞損，所以我就拉長d個彈弓，
再搏番埋去就ok，但係因為我得一個鉗，
所以整到我隻手好痛，仲起水pok，
好再最後整得番，所以而家玩既時候都驚驚地！ |
| 2010 年 4 月 7 日 星期三 |
| 新水槍之初日 |
分類: 未分類 |
今日我,david,jeff係mark到玩水槍，
呀mark本來唔想玩，所以我地係咁"鵝"佢，
最後佢都比我地既"誠意感動到"，肯同我地玩，
初初我同mark打jeff,david，因為呀stef唔係到，
我地有佢把槍，之後我又帶多左我果把舊水槍，
所以mark同daivd可以每人用兩把水槍，
我呢把槍個tank好大，之後射程夠遠，
pomp2,3下就射到，入水個位唔洗開蓋都裝到水，
入水個位禁入去就入到水，所以我如果用水樽加水既時候，
就咁將個樽嘴塞入個入水位，等佢裝完就得，
跟住佢有個獨立氣槽，我就算裝緊水，
都可以繼續射，然後我把槍用個必殺絕招，
就係d水好似洪水咁出既(人稱--山洪暴發)，
我初初成日用呢招射咁jeff，但係佢枝水槍用盾，
所以都擋到好多下，再加埋佢件褸係絕對防禦，
所以佢好少濕，所以我就射david，
幾次對住佢個面用山洪暴發，因為佢件褸又係絕對防禦，
所以打jeff同david都係要射頭，再等d水流入去佢入邊d衫，
第2次我同david打jeff同mark，因為今次個場得一個裝水位，
我地今次守住裝水位，等呀jeff同mark都冇水，
然後因為我地唔可以射裝緊水果個，
所以淨番一個比我地射，通常呀jeff都裝水先，
所以mark就比我地狂追，我有幾次用山洪暴發射佢，
佢中曬haha，然後最後一鋪係，
射到最後一個人冇水先完，初初jeff擋mark就射，
我同david就對住果d盾擋唔到既位射，
因為mark同jeff唔浪費d水，所以我地就狂射佢，
但係我地射極都仲有，有一次我有山洪暴發，
jeff打斜個盾，d水就滑去後邊，打中左mark，
最後mark同david射曬d水後就番入屋，
所以我同jeff都唔玩，我成身濕曬，
咁住凍到死，下次都係要等熱d先玩，
今次我地玩左2個半鐘到，我用山洪暴發射中jeff2次到，
都好過冇，夜晚我去打羽毛球，
今日個club開始，有成20幾個人，
我打左6,7局，但係都係得1,2局贏，
今日好多勁人，好多都唔識，
d人打得好輕鬆，今日我打得唔係咁好，
原來贏得最多分果兩個就有朱古力做獎！ |
| 2010 年 4 月 6 日 星期二 |
| palmy一日遊 |
分類: 未分類 |
今日去school集合，
jeff,芬蘭女仔,david,mizuki,stef,mark,yuki，
我地出發既時候yuki仲訓緊教，
所以我地等佢15分鐘再開車，其間我係到睇書，
又食自製三文治，去到就買戲飛，
我地睇一套動畫叫how to train a drangon，買完我地去食野，
之後我同jeff去一間鋪果到，買我之前超想要果把水槍，
終於比我買到，折左就$42紐幣，第1次自己買d咁貴既玩具，
買完冇耐番去戲院，初初我係到話，著到咁型去睇卡通片，
跟住同勁多細路係到睇，不過睇完都覺得呢套戲都幾好，
完戲就去食dinner，然後番home，
番home後即刻拆我把水槍，感覺良好！
今日我係車,食野時都睇左好多頁書。 |
| 2010 年 4 月 3 日 星期六 |
| 大家姐來臨 |
分類: 未分類 |
今日我家姐黎dannevirke到住1個星期，
佢住係我舊homestay到，
所以我都搬左去我舊homestay到住。 |
« | 18 | 19 | 20 | 21 | 22 | 23 | 24 | 25 | 26 | 27 | ... | 79 | »
|
