之前我仲話tracy懶wo~~
我自己仲懶......
幾日冇打啦~
講真...又唔知打咩好~=.=""

3月14日....
多謝阿乾....
多謝輝仔....
得佢地2個記得今日~
特別多謝輝仔親手整ge變色jelly~
好有心機.....好好味~

前幾日收到準考證....
先發覺原來又就快考cert啦~
時間真係過得好快...
仲記得舊年考mock果陣....
以為有好多時間溫書....
咩都慢慢黎....
以為仲有成個月慢慢溫.....
點知hea下hea下就過左啦~
點知話咁快又就到啦~
而家我就真係咩都未溫過lor....
eng new c 都唔知唔知點算....
係完全冇操過.....
我覺得自己d英文唔好話冇improve...
仲差過舊年.....
到時都唔知點死出黎俾佢睇.....

買(食送）　最驚孔雀石綠　食左有毒魚頭
行氣活血　不過就會嘔

要合併　就買地鐵　股價實有得升
減價好難頂　加價俾人炳

3 6 0 昂坪有 3 6 0
郁郁下會停左　自由行繼續坐

全靠柏芝的勇氣　愛是最大權利
睇下霆鋒幾偉大　秘密去結婚瞞埋屋企
唔會有拉姑橕你　婚姻點算係完美
但你睇下四哥　闊佬都懶理

通處亦禁煙　冇得chur你仲掂唔掂
成棚立法會議員　反吸煙　唔戒煙點去食店

人民幣　係最威
就算冇左港紙　消費冇問題

買野又唔貴　應該多消費
香港最抵　零團費
我態度唔曳　陪住你睇
一蚊冇賺過　死俾你睇

自訂 I Love You　投牌求其就百四萬
紅顏知己三千幾個　送禮佢邊有得慳

我說過我有壓力　望阿叔教教我點解決
巴士既問題　仍然未解決

斷背山　李安"才羅"獎佢係唔係最勁
其實我　就覺得伊莎貝拉　培達最勁
但城城　但城城佢話有　父子

有對軟硬在紅館　唱到氣絕未回本
全憑人人認購　買我既 T-shirt 幾款　來籌款

澳門賭場　新開既星際
請左偉仔　兼職疊馬仔

魔鬼警察好狼　殺兩個同事搶走配槍
逐格重播　百萬富翁既rating更加高漲

去泰國　Ｗoo...　大家都找不到他信
嘆世界 (足否) 係香港　買一堆手信

西甲意甲照舊　英超歐聯唔埋堆
有線冇做英超　點睇佢
個個轉晒 Now
Keyman 佢又想去

邊個大佬　扑濕俊仁
扑到右眼突　扑鑊然後食老麥

外國 d 雞　震震震　即刻通知　總幹事
佢叫雞珍　去左世衛　應該會 (o也) 晒 d 雞

其實林狗　唔係唔抖　係要賺一筆搵夠就遊埠
成日唔抖　全為層樓　一家四口都要靠我糊口

就算你笑我超低能　兼勁搞笑
我 (足否) 低時　多得你肯笑

以下內容acid copy from momo~ 我copy from acid......

講william wong的 = ="

「你地咁樣對住d Debit Credit就一世架啦喎！
你讀得Account，就諗住做個行，搵錢架嘛！
咁你既然想做呢行，就一定會讀BBA架啦，讀完BBA又會讀埋MBA啦！
咁人地d課程係suppose你未讀過Account架嘛！喂，你知唔知呀？
大學BBA個d，就算你CE A-LEVEL未讀過Account都讀得架嘛！
人地會由頭教過架嘛！咁既然你大學又會讀，
由中四中五開始就讀Debit Credit，使唔使咁早呀？
（重點來了！）讀History就唔同啦，你可以學習下呢個世界係點樣黎架嘛！
拿，你入到大學又有幾多人會讀History呀？無呀嘛！
咁你地中四中五就讀Account呢科，唔悶架咩？呢科又無咩內在價值喎！
咁點解要咁早讀呢？對你既人生有咩意義呢？.... （下刪數百字）」