今日同雄哥去左C3, 真係好多野睇呀...有勁多漫畫.figure.輕小說...

而且, 仲有 SKE48既Team E來表現呀

佢地個表演真係幾精彩呀, 仲有唱佢地既新歌添!

雖然我唔係大推佢地, 但係我都會支持佢地嫁!!!

之後仲順便去埋AKB48 museum度, 睇左勁多珍貴既相呀!!!

今期係以優子做主題, 張張都影到佢好靚呀!!!

唔知幾時到宅姐指原呢?

好想睇呀!

(補加一段)見到香腸講起搭船, 其實我今日都係搭船過海嫁...講真呀, 我喱D住係新界既, 唔好話搭船呀, 就連過海既機會都好少呀...

所以, 對我來講, 今次搭船既經歷真係令我體會好多野呀...

知道喱條線就快要停航啦...真係有D唔捨得...或者喱D就係叫做"集體回憶"啦...

當日日既生活都係差唔多既時候, 就會覺得生活真係好枯燥...

有時, 雖然一個新經歷只係幾分鐘, 但係就已經感受好多...

坐船, 可以令人忘記生活上既煩擾, 好好的放鬆一下...

或者, 喱個就係我一直所追求的...

Anyway, 祝日本朋友盡早收拾心情...Always Support!!!