今日搭火車返屋企...因為唔想企到返粉嶺, 所以去到旺角東果陣, 上左部好少人搭既火車, 搵到個位坐低左...

過左一陣, 部火車開始多人啦, 開始無位坐, D人要企係度...

我記得坐我對面既係一對母子, 個細佬係小學生...

去到九龍塘站, 大家都知道果個站係會好多人上車...我抬頭一望, 見到一個行動睇來唔係好方便, 要用第3隻腳既老婆婆, 同佢既一個40-50歲朋友, 一齊上左火車, 行到去車卡之間, 企左係對母子隔離, 想搵個位坐下...

好自然啦... 大家都知晏就6點半7點, 邊度會有位坐嫁火車...所以老婆婆好失望咁企左係度...

佢望住對母子, 對母子又望住佢...少過半秒之後, 對母子望返低去自己部電話度, 繼續打機...

我忍唔住啦, 企左起身, 左個位俾婆婆坐...婆婆不斷係度同我講唔該, 我同佢講其實唔洗客氣嫁...

雖然婆婆只係坐左2個站就落車, 但係我覺得我個做法係正確既...

對我來講, 交通工具入面既座位, 其實係應該俾有需要既人坐左先, 有多先至俾我地坐

因為果D人被我仲更加需要坐!

但係睇到對母子咁做, 我就係度諗, 媽媽唔係應該以身作則, 話俾小朋友聽要讓坐俾有需要既人嫁咩?

依加D小朋友都唔識得讓坐, 咁將來點算呀? 

將來仲會有人讓座咩?

見到有需要既人上車, 讓個位俾佢地坐, 有咩難度呀?

將心彼己啦...你諗下如果你係果個老人家, 見到人地唔讓座, 你會點?

如果你話, 我要去好遠嫁, 有排企, 唔係我坐, 唔通係邊個坐呀?

我同你講, 如果你企果30幾40分鐘好辛苦既話, 人地婆婆企果5分鐘仲辛苦過你呀!

我唔係係度話俾人知, 哇你好勁呀, 會讓位俾人坐...

我唔係要人讚賞我.

因為, 喱個係責任既因題.

作為年青人, 我既其中一個責任就係要令到其他曾經為HK, 為別人負出過既人, 得到佢地應有既回報同尊重.

RESPECT!!!