我最喜愛的十首歌曲之三首:

一.夢中的婚禮(純音樂)(適合我的"夢境人王國")

二.假如愛有天意(主題曲)

三.北極光

今日系黑色星期五,真系好黑仔啊.

回顧返今日:

凌晨:

發了一個夢:

夢見有二個她,wing,探子同埋我.

睇到探子同阿wing一齊打桌球,雞手鴨腳都唔知打d野,十分生趣.

系地鐵站見到二個她,她行黎行去都唔知做咩,我睇到她,但系她睇唔到我,意味著一d野.

當她好像系度等人時,我無去聲hi,當她行開佐的時候,我追佐上去時,發現見她唔到,意味著我同她有緣無份,今世同她唔可以做到情人,但可以做到朋友.

早上:

三堂的英文堂:系度睇國家地理雜誌,晝公仔,發白日夢,想返早上發個夢.<真系懶人一個>

二堂的數學堂:系度沉思中,數學小測交白卷.<真系超懶人一個>

吃飯時間:唔想出去吃,突然間想起爸爸的一句說話:<如果我們無個口咪唔使吃野囉,幾好啊?><廢人一個>

下午:

宗教堂:老師無返,多佐一堂空堂,睇國家地理雜誌.<無所事事>

經濟堂;俾個日日扮後生的黃老師扣佐兩分."閱"(中文評語)<無眼睇>

最後三堂中文堂:無聊到嘔電,系度學晝眼睛,之後臨尾一個鐘,要我們嘔篇六百字的文,作到五點鐘先搞完,好想大叫一下.

           <好煩啊.好煩啊.好煩啊.好煩啊>

之後去佐圖書館,六點幾先走.

一返到屋企,連續打佐五個"乞氣",又意味著一d野,打開電話簿,原本聽日系三個她的生日,叫我聽日記得返去教會.(本來我想住唔返咖),無解啦.<安息日快樂>祝她生日快樂.

今日很唔好彩,第一個小時落唔到圖書館買野吃,因為馮老師的"電視逛"(英文譯音)未完成,累到我睇唔到圖書館一年一度的圖書館週熱鬧情況,真系有d可惜,不過可以利用圖書館管理員的職權來買野吃,都可以回覆我的心情.

回望今日的過去,都系平平無奇,好像遊魂錦今日掉佐位,單邊位一個,"殘"啊.

下午體育堂真系好好玩同男同學一齊學打排球真系"賠了夫人又折兵",拾排球時,睇到地拖個樣一唔小心錯腳,仆到我成個保齡球錦兩堂的體育堂青到我周身傷周身痛,重周身嗅添.

放學後去圖書館,做佐一大堆野,之後咪吃野囉.

啊,今年系最後一年,好想留返D永久記憶.

有好多事好想去做:

一.好想完成敬師的設計,大約要花三個鐘的時間(有心無力)

二.好像操大隻自己(有力無心)

三.好像忘記一些唔好的記憶(想而做唔到)

四.好想向人表白(有心而無膽)

五.好想原諒他/她(想而唔想做)

六.好想去做出家人(想做而不想行)

七.好想系體育堂一直地跑步(得個想)

八.好想吻她一下(想下好啦啦)

依家系凌晨十二點三十八分,超出我的"法定時間"我要去睡覺.聽日,唔系應該系今日的三堂英文堂有排過,晚安