今日成日(又唔係真係成日既)係道溫中史，好累呀! 都唔知點溫好，個D咩王嘜王搞到我個頭都大埋，媽咪，救命呀!

       2006年啦! 第一日就發生左件令到我好傷心既事(其實都唔係好傷心既)......

      今日，我一起身阿媽就叫我去買飯，我唔肯，於是佢自己去買，番黎佢話我唔去買，唔買我想食既叉燒飯，於是我就無食到飯啦! 好肚餓呀! 最後我都係食左D甜蜜星星，Ya! Ya! Ya!

     呢個夜晚，我同媽咪去左李家屋倒數。

     嘩! 咁快就倒數完都唔知做咩好，咪走入李家堯間房搵野玩，而李家堯就走左去沖涼，咦! 好難聽呀!李家堯竟然一邊沖涼，一邊唱歌。好采，佢好快就沖完涼出黎，停止左佢咁悅耳既歌聲。

     係佢間房，竟然比我搵到佢D成績表，原來佢次次都考全班頭10名架，勁! 同我岩岩相反，我D成績就愈黎愈差 ，唔得，我一定要努力，唔可以輸比佢睇。