唉..好失敗的一天...我明明..明明係醒左ga...點解都係咁失敗

訓返落去...TxT..搞到我遲到...今日收到samy傳黎既消息,

令我非常不安.......身心痛苦!其實我覺得ive 教d chem好悶呀...

如果ray ho教就好啦~唔好搞到我討厭chem呀!==

真係唔該哂我地個班長呀~~本來好多天地堂,現在個timetable

真係 very good!哈哈XD

放左學,呀媽打黎叫我去xxx到攞野---超級超級重呀!!!>口<""

呀媽係咪打錯左比我,以為係呀哥?!攞到我想喊呀....個袋都差d穿..

都唔知咩黎ga?!去到新屋得返半條人命/.\休息一陣之後又要開工,

其實做裝修幾好玩,琴日我就用水開白英泥,好得意~不過做到好攰呀..

要好有耐性,細心同埋技巧ga,不過整完之後o個種感覺真係冇得彈~^^

切記切記,下星期一定唔可以遲到ga啦!!!!

睇下你地有幾多樣'''

1.玩米缸，將手插入米缸裡面既米裡面篤下篤下。
2.在百貨公司入面篤扶手電梯旁的吊牌。
3.地下有階磚時，特登隔一格一格黎行(不可踩界，要完全在格內)。
4.用錶面反射陽光，照黎照去。
5.跳樓梯(愈多級愈勁)。
6.行路上高起左地方(例如高起左既長條型石博，好似玩平衡木咁行法)。
7.鋪張紙在硬幣上面，然後用鉛筆係上面油，油返個形出黎。
8.食完瑞士糖之後，將糖紙包番個原本四四方方果個形出黎。
9.超級市場踩住架購物車黎行。
10.踩水”tum”，係好特登果隻。
11.吹口水波。
12.搣牆上的乳膠漆或牆紙。
13.係平滑既地面上面\”冼\”下”冼\”下咁行。
14.整濕ｄ紙巾，掟上學校廁所天花頂。
15.食完綠箭香口膠，一定摺返成張包裝紙，再放返入個大套入面。
16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，
轉得怏個時飛出黎，睇下個粉刷中邊個。(好變態==...)
17.放膠袋(當風爭甘放)。
18.去後梯執咸書睇，張睇完的咸書撕開飄落街。
19.貼張龜仔紙嚮同學背背脊果度。
20.踩人地個影。
21.狂踩人地對白飯魚，尤其是大肥仔果o的。
22.用幾條橡筋射同學。
23.掉人地門口的拖鞋落街。
24.”蚊”消防喉，射水落下面個球場，睇下射到幾遠。
25.擲水彈。
26.用氣鎗射街上的途人。
27.玩千揪，”fing”到咁上下就飛出去鬥遠。
28.落樓梯時坐係的扶手上面\”sir”落黎。
29.在自動梯行相反方向。
30.把”誤投信件”或沒有用的宣傳單張，胡亂放入其他的住宅信箱。
31.坐地鐵時，抓緊中間的扶手，地鐵一開動博命繞住轉(自轉)。
32.在月台上鬥快跑。
33.帶玩具返學。
34.用圖釘弄穿學校壁佈板。
35.亂按人家的門鐘，然後鬆人。(好似有,但唔係好記得==)
36.明知過了三歲，仍然不買票，”捐”地鐵的入/出閘機。
37.用改錯水(很舊的有一個掃那種)附送的天拿水，搽在手上。
38.在井字型公屋中間的大天井中放紙飛機，或者放紙青蜒，看看誰放的紙青蜒最慢由廿幾樓落到地面。(哩個似似地,但有d出入)
39.煲蠟。 (我要自首呀~~~口~)
40.把汽水罐靜雞雞放在校車的車輪下攝住，開車時把它壓扁。
41.用螢光筆油指甲。
42.向學校d木台上面畫公仔。
43.用電筒／雷射筆射落街或者照住d路人。
44.搣碎d紙巾，然後拋出窗。
45.巴士一開車，就同佢鬥快跑（最終當然唔夠快啦）。
46.落雨擔遮，懶係型咁轉把遮。
47.見倒d矮過自己既人行緊過黎，會好自然\”gut”高d行。
48.將擦膠碎「初」成一粒黑色物體。
49.玩冒險樂園o的遊戲（例如籃球或保齡球），企o係最高或企o係跑道o既最尾玩。
50.地鐵出閘果時「捐」過閘口，拎走張地鐵飛當地圖。
51.屋企冇人果時，對住塊鏡學人跳舞／做戲／唱歌。
52. 同細路爭一d無聊野，例如「美少女戰士角色︰sailor moon係我既, 火野麗係你既」或「四大天王，黎明係我既，所以你唔准鍾意黎明，你鐘意郭富城啦」。
53.玩廁所水。
54.去到公園，係咁撕百千層d樹皮落黎。
55.慢慢行近麻雀到，企圖捉住佢地。
56.係街見到狗就扮貓叫，見到貓就扮狗吠。
57.趴o係地上扮死，想嚇阿媽阿爸。(我記得係躲在窗簾後面扮失蹤...想嚇阿媽阿爸==)
58.畫花報紙或書上既畫，為人物加牛角或者胭脂等等。
59.拎d元寶當船放o係水上玩或者拋落街。
60.用條繩吊d野到落去住下面o個戶人既窗前，然後”fing”來”fing”去，引人注意。

哈哈哈,諗返起真係好白痴呀!!XDD

P.S今日拾野搵返我o個3隻大牙,本來仲有一隻ga..."摸"左冇幾耐就跌左落去個洗手盆到啦..T3T

           好攰呀...今日咩日子呀?d人買衫好似唔駛$咁....攰到扒哂地啦.......

琴日又訓唔著..今朝又要返930...ot到9點....==好想去按摩呀~~~~~~

今朝返早既時候,呀俊撩我一齊買馬,佢話有馬房消息喎,好有信心咁話,

差唔多成間佐記d人都買哂,我當然唔會d咁既險啦...我哩d part time仔,

都係想搵2餐啫~結果係---沉哂船....所以我既決定係非常正確的..=="

差唔多8點半,見到呀ken呀!講左幾句~跟住就bye bye~哈

總之今日多人到暈,當中有不少麻煩客,我同nike都認得佢呀!!!

次次見親佢入黎都避得就避..哈哈XDD佢又唔係態度唔好喎,只係煩囉~

nike唔好彩,佢今日係正nike o個個位..

聽日day off~好開心~可以懶床懶到幾時都得~hee~~^^

            今日去左新屋,我同媽嘗試下坐k66入去,o shit...

等車又耐,行o個短短路,用成15分鐘!!!踏單車仲快過佢..

真係好想打個司機..!!==坐小巴好快,但要比$...唉...

第日要睇下趕唔趕時間而決定坐咩車!

愈來愈有滿足感啦~~今日油埋個廳,好靚呀~~~~~~~~~^^

只係差油d細微野,咁就完全完美~!!今日既工作有油油,裝鋁窗

(好嘈呀~.~....),清潔,真係辛苦哂啦~咁d工人裝完之後,

成地都係鋁既碎片,成地都閃閃閃,都幾靚,可惜要掉/.\

搞完一大輪,夜晚去左何明記食野,經過x真係好想入去打機....

但聽日返早...都係早d返去休息吧~

          迷路.. @_@"我好似咁大個人第一次黎....下車後勁問人,之後

發生左一樣勁瘀既事.....真係唔想再提=="o個間野係細到我經過左都唔知....

好細呀!!!!!!!!!真係大開眼界大約只有1/4個上水,不過非常地好做!!人又少,貨又少,

真係正!

        今日有條友好低能...咁我地有賣男裝under ga ma,咁岩新年期間出左條紅底,

之後佢問我有冇得6條都係紅色ga?我話冇ga,係fix死左一定要跟灰白2色一齊買,

點之佢好冷靜咁同我講,我要打去投訴....dead哂...我勁想笑囉!!好鬼無聊...==

都唔知佢係咪想買紅色內衣,打牌邪人..哈哈哈!!

講起under,真係笑爆咀!!!咁我有一日同個肥婆收夜,跟住佢地就係到講d客啦,

咁通常我地都會擺d simple出黎比人睇下個size ga ma,點之...竟然有人攞黎試.........

幾嘔心呀!!!!!=口="冇病呀!!我聽到係狂笑囉!!條底要重始係哩個世界上消失...

邊有人咁恐怖ga?!好驚呀!!真係咩人都有...

         今日聽個incharge講,新年初123加人工喎~~都幾和味,考慮緊返唔返好呀..哈