陸運會開始∼＊
有d悶...
我好似7點4就到佐輕鐵站啦，
啊婆佢地又話去m記食早餐喎，
點知佢地仲遲過我到，
佢地好似7點9先到，
都就去會場啦，
都食唔切啦。
我到佐輕鐵站，
啊婆佢地先等緊車，
玩野咩。
好彩係輕鐵站等佐一陣就見到2個fd姐，
如果唔係都唔知係果到有幾悶啊。
之後同佐佢2個去m記，
Mandy姐要去m記買野食，
去到m記已經有好多人係到啦，
連miss啊sir都係到，
係m記見到巧如表妹同Dabby，
又見到中二0既幾個男仔，
見到令仔心情都好d，
等Mandy0既時候...
見到舊薯仔啊！！
又有令仔睇啦，
心情愈尼愈好。
之後又見到嘉祐表弟同李慶榮，
都唔知講咩好，
我係咁打嘉祐表弟。
今日成日都著住冷衫，
又d熱添...
不過無計啦，
件班衫有d樣，
唔係好想見到，
不過比上年果件好好多架啦。
開始佐無幾耐....
我就同楓楓落佐去比賽，
玩壘球好似好d，
就咁掟個ball出去就算，
點知我地等佐2個鐘...
等2個鐘但係掟佐1分鐘唔夠，
真係慘，
掟2個ball都要等咁耐。
我竟然係最尾果個掟，
真係衰啊。
啊sir知道我地等佐咁耐，
都知道我地係會是但掟出去就算，
所以佢就係我地掟完之後講....
「多謝你地0既參與！」
哈哈~~~
就係咁我地就上佐去啦。
不過掟果陣...
原來有令仔做工作人員，
等候其間都成日睇佢，
掟果陣又唔敢掟到咁失儀態喎，
Dabby掟得超勁，
伶佐第一。
上佐去睇人地比賽，
一路睇令仔，
唔錯。
睇睇下先知...
白色眼鏡男孩叫steven，
真係衰啊，
我最憎果個大哥哥又係叫steven，
玩野咩。
不過算啦...
我鍾意果個都係我小學同學。
之後落佐去紅十會果到玩，
近距離睇新薯仔，
超好啊，
近距離睇到一個令仔。
我地係咁搶嘉祐表弟個工作證，
希望更加近咁睇新薯仔。
上返去坐得休息一陣...
我d fd係到睇書，
點知個miss連書都唔比人睇，
佢痴架!?
書都唔比人睇...
但係人地勤社睇書又無比人鬧，
之後我去佐勤社搵楓楓玩。
時間飛快咁流逝~~~~~~
話咁快又放學啦，
我地落佐去影班相，
我同楓楓都話...
不如佢數321果陣舉中指，
不過我地咁乖，
又點會咁做呢。
之後同佐kovin哥哥佢地放學，
一齊搭輕鐵返屋企，
d男仔話去食m記，
kovin同嘉祐表弟一齊去頌富果間食，
其如果幾個男仔去佐天耀果間食，
楓楓返屋企，
我就去搵啊媽。
我叫啊媽幫我買佐杯珍珠奶荼比我飲，
好難飲啊，
好似飲緊水咁，
之後啊媽去佐買野，
我就上佐去m記搵kovin佢地。
同佢地傾佐一陣計之後就一齊走，
走果陣見到我小學同學，
我跑去佢後面攬住佢。
之後kovin就同嘉祐表弟走先，
我同小學同學一齊走，
係車站見返kovin佢地。
我就同kovin一齊送嘉祐表弟上車，
kovin去買點，
咁我就同小學同學一齊返屋企。
去到屋企留下，
我地都唔係好想返屋企住，
就係公園果到坐佐一陣，
傾佐一陣計，
之後就返佐屋企lu。
咁0既一日就完啦！
下星期一又係陸運會啦，
各社加油啊，
啦啦隊都要加油啊。
希望今年又係我果個社羸啦，
今年勤社勁佐好多，
誠社0既人要加油啊。
誠社加油啊~~~~~~~~！