我真係好羨慕你地有一個真正的家。。。。。。

自從呀爸過身之後，我的家庭已經唔齊整，諗住得番我同呀媽，都要開心咁生活落去。

但佢由果陣開始，次次都為左一D小事而同我嘈，每日放工，番屋企就即刻沖涼，之後淨係放低食飯錢，就立即過去佢D朋友的宿舍，我每日見佢，都唔多過２個鐘，傾落都唔夠３句。咁同無呀媽有咩分別？

有屋企佢唔訓，日日就淨係識過去宿舍，有時叫佢過少一日，佢就淨係識話：我過唔過去，幾時到你管？　　　（我勸下你者？洗唔洗咁講呀？我咁都有錯呀？）

佢日日就淨係識睇死我唔掂，次次都要令我同佢D朋友的仔女鬥成績好，考得幾辛苦佢又唔知。果次仲無啦啦走去求籤，又話D籤文講我今次下學期的成績會好差，之後幾日就係咁鬧我，仲要我同D Friends絕交。我都算，我忍！我就考好D俾佢睇。

考試前的幾個星期，我好努力咁溫書，佢又唔知。一開電腦，佢就番黎，又話我日日係咁打機，又話人地D仔女都唔係咁的！　　　好！我都算，點知今次考到第6名，佢就淨係識話：下？得第6喳？之後就乜都無講過。（我溫得幾辛苦你又唔知，淨係識係到講，又睇小我）

今次我只係叫下佢唔好再過去宿舍者，就發哂癲咁鬧我。　　我勸下佢？唔通又係我錯呀？

又貪錢，日日都叫我第日大個，要每個月俾4-5萬佢過生活。　　　大佬，你當我係咩呀？

我真係唔明，點解我會有個咁的呀媽？有個咁樣的家庭？！

邊有呀媽淨係識睇小自己個仔，我做過咩佢又唔知，淨係識鬧。叫佢係屋企多一陣，又話我錯。呢到先係你的屋企呀！日日過去陪你D Friends，又唔見你關心下我？