今日我要9點鐘番到學校上英文課程，個外籍呀sir講野好好笑，佢d表情真係好低能都上得好開心唔錯！唔錯！

大約上到差唔多１２點先走。之後就同左盧仔，JT，Jason 同埋 劉杰雄上左順天食野！Jason佢話去第２間食，所以佢自己一個去食完就搵我地我地４條友都唔知點解要逼埋同一張枱，同ＪＴ坐，簡直唔洗食逼到呀媽都唔認得．．．

之後我地食完之後，Jason唔知係邊度到，無啦啦彈左出黎，仲叫我地去佢屋企玩一陣，再去打波，我地當然去啦

我地係中途見到一個兒童遊樂場，個死盧仔無啦啦拉我地去果到玩，我當時完全明白到，我地男人係仲未發育完成的生物∼個遊樂場係for 2 至 5歲的小朋友，我地竟然．．．好低能呀當時個太陽曬到上頭頂，我簡直熱到暈，盧仔仲要我幫佢推，我頂

之後玩左一陣之後，盧仔見到地下有ｄ人食剩的燒鴨腳，佢竟然話：「隻鴨仔熱到熟左，哈哈！好好笑．．．」

．．．．．．呀媽呀！我係咪要笑呀∼當時無人出聲，我就話：「唉！我地都係繼續行啦！」

我地中途係咁爆爛GAG，係爛到無得再爛果隻．．．．．．

去到Jason屋企之後，打左一陣一d好血腥的Game先落去打波

落到去之後，我地係咁亂走，兜左好多個圈先到

之後就係咁打呀打，我地之前食左野，所以有ｄ想嘔的感覺，好辛苦呀最後我地去左7-11買ａ野飲先再打過．．．

買完之後，見到個場多左幾條友仔，所以就同佢地鬥波啦（個死人JT又唔打，坐左一陣無啦啦又走左番屋企∼唉！）

我地鬥得真係超high，盧仔同劉杰雄好似前世撈亂骨頭咁，劉杰雄佢係咁MARK住盧仔，走到好遠都係咁∼唉！好鬼好笑

我地打到面都紅哂，劉杰雄佢成把嘴白哂，好熱呀　頂！

因為太過辛苦啦，所以打到３點先走

我同盧仔，劉杰雄一齊去到個體育館到涼冷氣，仲係咁講老師ｄ壞話同爛GAG

我地走左好耐先有力番屋企。我番到去之後，成身散哂！連起身都無力．．．今日，今日，今日真係好累呀！我下次一定唔會再去天呀！天氣咁熱，我地做咩仲要打２個鐘波呀