早前所畫既小屋，不過經過前晚(0828)埋頭苦幹地用針筆畫
直線唔係好直，失敗
角度有點問題，失敗
畫到唔知似乜，失敗
唉唉唉﹗
哈哈，最後都可以趕起尼幅畫，成功…

＊重放兒時至今的照片，密碼自行問我（按此）
 
尋日(0829)晏就出左旺角，今次聚會我緊係要出席啦﹗
一大班好好好朋友，以及一眾大佬，幫我farewell喎﹗哈哈
【老婆、丫詩、丫彤、丫樂、俊傑、丫沈、羅泳、思婷】
好多謝你地對我咁好…
＊我相信因唔得閒而冇黎的好朋友，
　都系佢地心入面送上空氣中的祝福俾我…
 
雖然選擇了K房咁悶既地點，但你地既熱情充滿整個房間
一開始同【老婆、丫彤、丫樂】大戰UNO
個個為左唔洗牌而輸，不過玩多陣就由丫沈接棒
之後坐系度聽【羅泳、思婷】既歌喉，我的高音不及她們…
發短訊搵俊傑，佢去左睇醫生，遲少少到…
一定系成日開OT，搞到依加病左，真係慘﹗
不過佢黎到果陣，好似冇病咁玩得好開心
之後不停唱歌、聽歌、傾計、影相、食野、玩…
由一點玩到七點，丫沈系第一個走先，之後老婆陪丫彤出荃灣
丫詩拎左俊傑細果既相，拎埋佢果D，太得意啦﹗
六點幾先收到媽媽的電話，佢居然冇鬧
剩低果幾個玩到七點幾先行去搭火車走，羅泳自己番模型鋪
之後我地幾個就行天橋番去新世紀…
點知丫詩、丫樂、思婷系途中甩掉我同俊傑
唔該晒俊傑幫我拎果三樽小星星，果三樽星星的確好重
都要多謝丫樂由大埔拎出黎旺角…
 
一路搭馬鐵一路開始拆星星，我拆左好幾粒都系「不留名」
搞到我非常之懊惱，俊傑拆到Emily果粒…
之後行下行下又去了沙灘睇人，有十幾個人，咁算唔算好多人丫？
仲有人系上邊果小徑放狗、踩單車、玩集體遊戲
行左入沙灘踩左陣沙，系沙上面行的確好累
之後坐系石墩一陣，冇海風，熱死喇﹗
坐到八點幾，就行番去屋企樓下再樓下既巴士站
送佢搭車，之後行上百級樓梯
一入到大堂，有人搬床囉﹗阻住左我去搭lift
番到屋企，一路睇動畫金曲，一路拆星星，一路傾電話
 
哈，尋晚(0829)拆到十二點，已經拆左一半，就去訓了…
今朝(0830)同爸爸、媽媽、家姐飲茶果陣拆埋果半，終於睇晒﹗
仲幫咁多粒星星寫上名，有好多歌詞…
居然寫果個人模仿好幾個明星而出現，我估系某人寫的，哈﹗
仲有一張係某位人兄而代某人既筆而寫，就最經典啦，哈哈…
多謝你地系0822果個晏就咁辛苦，諗那些字句、摺那成千上萬既星星
據我所知既有【老婆、丫詩、丫彤、丫樂、俊傑、丫沈、EMILY】仲有那些「明星」…
除了上述咁多位之外，請那些「不留名」的好友逐一報上名來
唔想你地錯過，我同你地講一句：多謝﹗（機會難得，哈哈）
希望那成千上萬既星星，能給我力量面對陌生的環境﹗
＊即使睇晒那些內容，我也會帶佢香港福州兩邊飛，你地大可放心﹗
　份禮物好中意丫，有我最中意既星星同米奇=] 
＊聚會BLOG有晒PHOTOS同VIDEO
  
  
  
  
朗軒` 18th HAPPY BIRTHDAY!!