得得` ArBee` 十八歲生日大快樂﹗
尋晚MSN收個不停…
我仲傻傻地玩倒數，因為我生日過後，得得又十八﹗
到左00:10左右就去訓，之後想了好多開心回憶…
感覺好像放映一齣屬於上年的紀錄片﹗
原來我係個愛緬懷過去既人，哈哈﹗
 
今早跟家人去頌安果邊飲茶
平時都係第一時間睇報紙先，不過SMS足全日
SMS左個生日祝福俾「細我一日」既得得…
原來我之前冇同得得佢講轉左電話號碼
跟住得得打黎問我係邊個，哈哈﹗
傾左陣，得得同我都要食早餐…
食左我最中意食既蘿蔔糕，仲有其他野食既…
丫月今日去學校旅行 - 天水圍…
＊我都好耐冇去學校旅行了﹗
 
之後同佢地去睇油漆，跟住買野俾細佬食
就自己早走，細佬出去番學，冇幾耐爸爸媽媽番黎
晏就食左碗糖水，爸爸媽媽去左新屋…
 
用多陣電腦，同可樂MSN左幾句
因為我唔要阻住佢大展歌喉，哈哈﹗
＊嘻嘻，記住爭我幾首合唱歌丫…
 
就出去火炭整身分證，好快搞掂晒丫﹗
好好奇﹗有個叫人做選民既果個人見到我係福建讀書，就同我搭訕…
本來要我填果份問卷，不過佢幫我填晒，因為就黎04:30p.m.
果個人仲同我講：第時我可能係你客仔-___-
搞掂之後番MOS，又去射左兩局籃球（1st 107；2nd 65）
渣左好多，一定係平時冇咩運動啦
嘻嘻，一時連續入，一時連續唔入﹗
＊射左兩日籃球，心情開心番好多﹗
 
之後再拎野去影印，番到屋企冇耐
媽媽打黎叫我洗米煲飯，搞掂之後去左新屋一陣
睇左細佬間房，果粉紅色好淡，好似粉橙色咁…
唉，點解果邊既感覺比依加住果度細既？兩個面積差唔多…
唉，以後再望不到那大海，再看不到馬路和隧道﹗
唉，只可以看到那些籃球場、排球場、公園仔、停車場…
不過算啦﹗買果個又唔係我，我做細既唔可以反駁架﹗
因為唔買都買左啦﹗哈，好少係度訓，所以怨言唔可以有…
 
由朝SMS到晚，同丫月SMS左至少20個…
哈哈，太無聊啦﹗不過好想一大班人去旅行丫﹗
就快有架喇﹗同十月生日既好友，唔少得鐵三角、丫彤、可樂、俊傑、FF…
 
郁棋學長無端端系FB加我為好友…
不過也好，多一個朋友在我FB裡頭
哈哈，快400啦﹗細佬有成千個@@"
 
同FF、丫彤MSN，哈哈，那些不再是秘密了=]
因為連最遲鈍既FF都知，所以冇咩人唔知掛，哈哈﹗
FF提左我一點，可能果原因係我要讀書的關係吧﹗
 
MSN
20091009
20:59:12 小晏 生日快樂哦 OJZ貌似說晚了
＊生日祝福不會有遲的，最重要的是心意…