|
今日放榜,朝早同Tony返學校既祈禱會
then上課室,上去果陣,好驚!!
個心跳得好緊要,我知人人都會係咁
d老師入到課室
氣紛真係好緊張
攞咗成績單之後,我冇睇到就返咗埋位
祈個禱先,先再睇
哩一刻,我知道宗教既重要性
我雖然唔係無信仰既人,但係我發覺人原來係哩種情況
真係好需要宗教去幫自己安靜個心
我做好準備,打開張野
見到個分數,我自己知道係未如理想,只係差少少
差少少就可以返黎母校
見到妳坐咗係度,側邊有妳既好友安慰妳
又見到妳喊
我真係好想好想過黎睇下妳點,至少同妳講句安慰既說話
見到妳咁,我個心好痛
但係我覺得應該畀妳冷靜下先
對唔住,我當時做唔到d咩
我只係想講句安慰既說話
但係我都怕我會講錯野
我冇做到d咩去安慰妳,但係我個心真係好擔心妳
擔心得好緊要囉
我知道妳盡咗力架,真係架
妳好勤力,我有眼見架
哩個會考唔係定妳生死,只係人生其中一頁
求吓妳,唔好畀自己咁大壓力
唔好亂諗野,人生仲有好多路等住妳去行架
妳唔係弱者呀,我深信妳有勇氣重新站起來架
神呀,我懇求袮幫助這個女孩,我甘心替她受苦
我情願同佢掉換角色,等我幫佢喊,幫佢傷痛,幫佢傍惶....
求神袮唔好畀佢再痛苦落去呀
共命運較量
望著目標不需要理風向
這次跌低總會有下一場
你有我不必怕會追不上
為願望發亮
若是未盡力掌聲也拍不響
永遠也不反悔才是堅強
有志氣一起向天開一槍
從來無悔 我這理想揮之不去
以鬥志將傷口過濾
以你決心去為明天寫下創舉
流汗水 錯與對幾多的差距
有勇氣 不應該畏懼
那裏有黑暗便和你燃亮它
全力追
活著就算呼吸都是為了挑戰
從前難關今天實現
我確信 這天空都改變
這志向最終也 不變
現實就算多艱辛
並未退縮 成功灰心只差一線
要帶著信心 未懼下雨天
仍然無悔我共你沖線
|
