今日本來好平常咁返工

9點返到鋪頭,揉埋少少油

then,伯父就車我去佐敦幫個伙記整埋個工程

好似平日咁1點左右食飯

食完飯再開工

我同個伙記係座大廈個天台既機房起間屋仔

3點左右,我地要用電鑽

佢用左手,鑽兩鑽一唔小心將把電鑽向咗右面

個鑽咀就鑽咗去佢右手手掌度

唔好以為佢戴咗勞工手襪,就安全d

結果係完全雙反,個鑽咀撓住咗手襪唔放

對手襪難晒呀,我見佢冇咩反應

我諗唔會有事啦,點知佢一拉開隻手襪

我見到佢手掌有個好深好深既傷口

!!!!!!

d血係咁流出黎

地下都有血呀

我攞咗紙巾同佢禁住個傷口

果陣我個心真係好驚呀,但係我表現得好冷靜

因為我知道,如果我表現得好驚,情況可能更壞

我立刻打電話畀爸爸,同佢講我要同個伙記去QE

落到樓,捷的士,,,,,,,好快就去到QE

好彩佢止咗血

then再係急症室等,話要等3粒幾鐘喎

之後伯父黎咗陪佢,叫我返鋪頭先喎

雖然佢冇咩事

但係搭地鐵既時候我諗咗好多野,點解佢會出事????

佢唔小心???係意外???定係我係度會畀到佢壓力呢???

返到鋪頭,我同d伙記講

但係點解佢地覺得冇咩事咁,仲係度講笑

佢地見慣呢d事????定係佢地唔係現場,感受唔到果種可怕????

哩件事我唔會忘記,要提醒我日後要小心d去工作