各位親愛ge朋友仔...平安夜快樂!!!>3<
今朝6點醒左,好唔舒服,feel到個胃哽著哽著咁,又肚痛,不過去完廁所同埋嘔完就舒服好多lu,嘔返d酒出黎同埋勁多胃氣,之後飲左杯茶又返上床訓過,訓到11點到起身lu~之後3點同思妮,家良,泰,男去左睇戲,睇"king kong",開頭都真係幾悶呀,睇到好眼訓,不過之後都幾好睇呀,真係幾感人囉,隻"金鋼"都幾慘呀,屎屎睇到喊係岩ga^^之後去左雅都,唔小心地做左d瘀野,撼到個頭,而家仲痛痛地

跟著家良要返屋企食飯,我地就搭車出西9龍諗著食壽c,不過多人都爆囉,去左冒險樂園玩"擲彩虹",泰擲到包野食,勁!!!玩完之後都仲未等到位,最後去左kfc到食,哈...食到最尾個陣勁爆笑 ~食完野之後係深水埗mtr等埋家良就出去尖咀啦,好多人,氣氛ok啦~不過要分批行過去碼頭個邊,到12點我地仲係半島樓下等緊,唯有係個到倒數lu~到行到過去碼頭個邊個陣,點知好多燈飾都熄左==唔知係未電費貴要慳電呢!?跟著我地搭船過左中環,去皇后像廣場個到1點到啦,點知又熄晒燈==冇野好睇,人又唔係好多,上年都唔係咁...今年唔知做咩...搞到冇咩氣氛~跟著就行左去搭mtr去到南昌再轉西鐵返屯門,今日d車費就真係貴啦,佢地個個都係學生有優惠,我就冇,成日用左60幾蚊黎搭車~

差唔多3點返到屯門,去左良景食宵夜,食左生菜魚肉,好正 ~跟著又食左什果西米露,好難食

食完送埋思妮返屋企,跟著我地都返屋企啦,d輕鐵好鬼衰,開通宵但係又冇車去天水圍同元朗個邊,最後去左虹橋搭小巴返屋企~

沖埋涼成5點啦,訓覺覺lu~

今日d相呀: