今日係一級山藝考試,即係都要行山~亦都係單元一ge最後一堂,唔捨得呀

今日遲左小小起身,8點5先去到兆麟,同yan yan去搭小巴,不過比尋日仲快左去到上水,今日冇樣衰野lu~我地仲係最早去到個2個,之後係美心食早?等齊人之後就搭火車去到粉嶺,跟著再搭小巴去鹿頸,係小巴到好搞笑

去到鹿頸,心情不太好....

差唔多11點幾先開始行,今日行ge路冇尋日咁好行,行錯左幾次路,d路又難搵,不過好玩好多,d風景都靚過尋日好多,去到邊都實有幾隻蜜蜂跟著晒,不過e d唔得人驚,行行下見到樹上面有黑蜂巢先得人驚呀,走得快好世界,哈哈

行到差唔多1點幾到食lunch,今日有買包,有lunch食,哈~食野個陣同d朋友仔影左d相相,不過而家覺得影得唔夠多呀><

食完lunch之後就好玩啦,阿sir帶我地去行石澗,同大佬你追我逐,真係好好玩,好正~又同yan yan同埋屎屎同埋大佬影左d相,真係好開心呀~

行完之後miss就同我地坐埋一齊,大家講下感受咁,我隨便咁講左話學到急救好好用就算了~不過其實讀咁多個單元,單元一真係最多感受,中間都發生左好多野,有開心有唔開心,識到好多好玩ge朋友,但亦...

講完感受之後就派証書,我句評語係"積極參與,富領袖才能"  哈哈...都唔錯呀

落左山之後就搭返車去屯門lu,miss津貼我地去打邊爐,去左安定虹橋到打,有我,大佬,yan yan,屎屎,ringo,gary,阿鳳,文健,龍華,志遠,凱琪~其實我都係第一次咁多人去打邊爐,感覺係...唔洗自己烚野食,同埋真係好開心,yan yan同屎屎飲完酒個樣好得意呀>3<

食完之後傾下計咁,傾到未到11點走人了,送了yan yan返屋企,之後我都返屋企lu~

返到屋企有一樣唔開心ge野...屋企另一隻狗仔都死埋啦 不過死因應該都只係老死je,都死得幾安祥

遺照:

今日又係好累...好早訓左lu~

讀e個單元真係好開心,不過最衰得10日咁少><同d fd岩岩熟落左之後又要分開啦  我先頭都估唔到,同d同學都只係識左10日,但係到今日真係有d唔捨得....好開心識到yan yan,屎屎,阿鳳,大福,仲有其他同學仔~但有開心ge同時亦有遺憾...所以e個單元真係有好多感受...

ps:單元一讀完lu,我同大佬e對雙生兒組口要拆夥lu><