11號啦....燕燕生日....happy birthday to 燕燕!!!!

今日做左燕燕的司機...哈哈

8點半去左燕燕樓下等佢,之後想食小小野,同佢去左建生食芒果布甸,then就踩左去澤豐個公園仔個到,我地2個竟然最早到...可惡kaka

之後死神,姍姍,男仔,泰泰,家良都黎到啦....玩左好多遊戲,次次都係死神輸得最勁...比罰要係街到大叫"我係傻仔"哈哈哈

玩到11點幾,去左新墟食糖水,爆多人,仲有好多靚車...一部4代,2部掃把佬...好正呀>3<

等左一陣先有位坐,好肚餓...叫左碗車仔面,之後再食埋椰汁黑糯米...飽飽lu~

之後姍姍同死神返屋企先啦

良同泰本來話想唱k ge...係neway門口睇到$49一位,以為好抵...跟著佢地入去問,原來未計nuts同果盤,貴到死,所以冇唱,咁男仔係e個時候就返屋企啦

仲有我,良,泰,燕係到....先頭諗著去網吧,但係個環境太差啦,太大煙味,之後去左第2間,但係又突然唔想去網吧啦

跟著去左7仔買野飲諗著去傾計...入到7仔...正當我地猶疑緊買咩飲個陣,我地發現到1公升維他奶/麥精都只係$5咋...哈哈哈...結果今次好乖呀,冇飲酒,我同燕同良買左麥精,泰就買左維他奶...

哈哈...想像下4條友一人揸住一盒一公升ge維他奶個樣係點ge....想像唔到呀?唔緊要,遲d有相睇呀..哈哈

之後過左河田輕鐵站傾計...

今日唔知咩日子呀...首先有2個差人叔叔走過黎問我地"做咩咁夜仲唔返屋企呀?" 我地就話有人生日,所以係到傾陣計,咁個2個差人叔叔就走左啦...好彩今日冇買酒飲咋

過多一陣...一早已經係遠方望到有十幾人走緊個黎,初時以為係d人放工返屋企je,點知我地傾傾下計佢地行到過黎...

問"有咩野玩呀?"

我先頭以為佢地係岩岩放工個d工人,走過黎搭訕(因為佢地有d人真係著住件工衣ga)

咁我未話"玩維他奶呀"

之後聽一聽佢地d口吻...原來全部都係差人黎ge...

十幾個人...有d仲要著到成個工人咁==

第一次同咁多個差人叔叔傾計...

之後傾到2點半到走人啦,飲左一公升麥精,飲到好飽...

then車住燕燕,泰泰相陪,送晒佢地返屋企

跟著我都返屋企啦...返到屋企3點3

沖涼...打日記