尋晚４點訓覺，訓唔著，聽收音機聽到５點先訓得著，點知到６點半到俾人ｓｄ　ｍｓｇ過黎嘈醒左，仲要隔著隔著咁幾個ｓｄ過黎ｗｏ，之後又要聽一陣收音機先訓得著，早知尋晚唔ｓｄ　ｍｓｇ俾人啦．．．哈∼跟著好似訓到１２點９就起身啦，廢事訓到咁晏今晚又訓唔著∼

之後起身擦牙洗面，食左叉燒包同奶黃包，之後去左玩電腦，玩到４點幾到跟著去左拆白鴿場，拆拆下收到個電話，係ｅｖａ同安琪黎ｇｅ，ｅｖａ唔開心，所以我就出左去陪佢地啦，俾人催，搞到我又冇ｇｅｌ頭又踢拖咁出左去搵佢地，去到卓爾ｍ記搵佢地，個陣ｅｖａ已經冇事了，咁都冇所謂啦，之後就癲下癲下咁行左過新墟，又癲下癲下咁行左過市中心，後尾過左ｑ太朗諗著食野，庭同家華同家華’ｓ　ｇｆ黎左，仲帶走左我地，又行返過仁愛堂等人，咁我同ｅｖａ同安琪陪佢地等完之後就同佢地分路行啦，先頭諗著返屋企ｇｅ，之後諗下諗下過左德興（海皇對面個間野）個到諗著食野ｇｅ，但係睇睇下又冇咩野食，過左凱都戲院對面個間野到食∼

入到去坐左冇耐，部冷氣機突然流左好多水出黎，滴晒係張枱到，好彩ｄ野食未黎ｊｅ，食食下野個陣我發覺隔離枱有個女孩望住我，仲要擺出一副．．．唔知點講ｇｅ姿勢，之後我同ｅｖａ叫左佢過黎傾計，個女仔得７歲咋，我地問咩佢又真係答咩ｇａ　ｗｏ，好彩我地唔係衰人ｊｅ，哈哈∼之後仲同佢影左幅相呀

不過．．．佢ｄ行為好似怪怪地咁．．．好似未見過男仔咁．．．一對住我就係到ｈｅｈｅｈｅｈｅ ∼之後佢要走啦，我就唔小心咁問多左佢一句幾時會再黎過呀？之後佢就好開心咁話”星期３，８點３””星期３，８點３”好似當歌咁唱ｗｏ ｅ家ｄ細路女真係．．．都唔驚人ｇｅ．．．

食完野之後就行過河田搭車，同ｅｖａ　＆　安琪係到爆笑，狂係到搞冷ｇａｇ呀，哈哈．．．邊行邊係到狂笑，超白痴呀．．．之後ｅｖａ係西鐵站搭巴士返家，我就送埋安琪返屋企，跟著我都返屋企啦∼

返到屋企冇耐出左去踩單車，踩到去碼頭ｈｅａ左一陣之後又返屋企啦，返到屋企沖涼，之後煮左個出前一丁＋西煎雙蛋，好肚餓呀！！！

食完之後就再玩多陣電腦同埋打埋日記．．．