今日有2個特別日子,一個係我阿哥生日

另一個就係我同老婆7個月啦,不過今次唔係同佢一齊過,佢仲未返呀

今日阿哥放假,不過佢仲早過我起身,我掛住整野出門口,都唔記得左今日係19號

返到圖書館又係做埋d頭頭尾尾既野,好悶

d時間過得好慢,好耐先等到一點收工

跟著返左屋企冇耐,等埋家姐放工返黎就搭車出9龍

同老豆去左伊利沙伯醫院到睇醫生,想快d知道佢而家既情況

去到我阿哥同表哥陪我老豆睇

我同家姐同姐夫就去食野先,去左西9龍食,今日既第一餐,好肚餓

食完之後阿哥打黎話老豆轉去瑪莉醫院,要入院,話個到既專科會好d

咁我地就搭返車去瑪莉,買左d日用品俾佢

搞埋d野都好快8點,要走啦

搭返車返屯門,今日坐車坐到好累...差唔多每程車都搭到訓著左

但係返屯門個程唔知點解訓唔著,但係隻眼又好累,搞到好頭痛><

返到屯門去左燉奶佬到食飯,暫時算係同阿哥慶祝生日啦

好快食完之後就返屋企啦,個個都身心疲累....

唉...快d知道結果就好,而家真係好擔心

今日去到病房,見爸爸著住d病人衫

令我諗返起以前媽咪入院個陣...

雖然我爸爸既情況未去到咁壞

但係唔知點解都怕