學左2個月車終於到今日考車牌啦,今日一早出去搵師傅學多堂車,跟著就揸去何文田忠義街,因為驚塞車所以早左成個鐘去到,去到超緊張,坐係部車到諗個阿sir好唔好人,又唔想要下次再黎考過...等左冇耐阿sir就上左黎,咁就開始考,成個過程其實都幾順利,到最尾做掉頭個陣好緊張,因為好怕衰收尾,搞到真係做得唔好,好彩部車岩岩好夠位出得返黎,停車之後阿sir就好快落左車....之前上堂講過話如果阿sir咁快落車有8成機會都會pass,所以好開心....出成績真係pass左, 一次話pass左真係好開心,因為唔pass既話又要攞到幾千出黎再考過...

考完之後等老婆出黎搵我,佢今日著得好令,好耐冇見過佢咁著啦^^同佢行左去朗豪坊食雪糕,好好味,之後送左佢返工,我就去左delifrance食tea...老婆收工過左黎,同佢食埋野跟著去左尖咀,行左玩具反斗城,好好玩,玩到人地收檔我地都唔肯走,行完之後買左野飲係海旁坐,超舒服+勁令海景....真係坐到唔係好想走,不過坐到10點半就去搭車啦,再唔走就冇車lu...

今日好開心,因為pass左同埋聽日就同老婆拍左一年8個月