今日出左去荃灣喝茶,喝到兩、三點到就同我d表妹出左去奧海城。我地去左奧海城逛街,逛到七、八點,我地出左去奧海城出面影相,點知見到陳自瑤同高均賢,佢地係到做善事,我呀妹重同佢影左相,但係我冇同佢影..........好可惜呀!!!跟住我地影完相就去左食晚飯。大約11點到就返左屋企。唉....睇唔到「新城」開頭個到......可惜!!!

今日係平安夜!!!!你知唔知最平安係邊到呀?緊係屋企啦!!!唉.......我今日成日係屋企,冇出過街呀!!救命呀!!悶死人咩??成日係屋企,唔方唔平安囉!!我就係屋企,但係我媽咪同我呀妹就去左市中心,佢地去到六點幾先返。餓死人呀!食完晚飯就睇電視,沖埋涼,12點幾就訓覺..........咁就一日啦!!!

今日係第一日ge聖誕假期!!!話就話係聖誕假期,但係今日成日係屋企,冇出個街,悶死人。今日10:00點鐘起左身,開電腦。到兩點到,kimmy睇過我日記,話好想學我整d閃字係日記到。跟住就教佢,佢唔明,我就幫佢整,,整到5點到就off左。差唔多到6點,我表妹就上左黎我屋企玩,佢地大約9:00點到就走左。跟住睇左一陣電視,就ON MSN,同carman玩左一陣就訓覺。

今日學校開聖誕派對。7：30分就返到學校,一返到課室,得好少人係課室褢面。跟住就落左橾場集合,上左禮堂睇表演！差唔多到9點至10點我地就上左課室開派對。我地食左野就玩左一個game,跟住就抽獎。我就抽到一個白雪公主ge file上面重要寫住$6,真係慘,不過好過冇。放學後我見到carman,問佢攞我份聖誕禮物,點之佢話冇.......傷心!!跟住同candy去左啟豐買野食,跟住大約2:00鐘就返到屋企。 一返到屋企就玩左陣電腦,跟住就訓左覺,訓到晚上10:50分先起身。食左D野,跟住又訓覺。

19日1:30p.m至21日2:30分係我地學校去camp ge日子。係e 3日褢面心情都係一般,因為去e個camp真係好悶,冇野好play。今日一返屋企就sleep,因為去camp個時都冇日好訓,搞到我冇曬心情,方且有d野搞到我好唔開心。唉.........算啦!!!!!