星期5開始冇打日記喇...打番先...

星期5一早六點起左身...

因為成班約左飲早茶，但係去7點半~~~

個呀君仲未醒...我地唯有去食吉野家...

有我，戩倪，呀清，呀詩同雞仔~~~

食到10點幾去搵個叫咪咪既女仔~~

因為我地話左要去尖咀睇佢比賽...

係m記既3人籃球比賽...

佢兩點開始打...我地12點就出左去...

咁早就梗係行下街啦~~行hmv

睇到兩點番去海港城搵佢...

佢地打得超廢= ="輸足咁多場...

不過女子賽差唔多啦...

睇完成6點咯...去食m記

食完搭車番南豐，因為今晚約左青葉既會員食飯

好多人，玩得勁開心，不過呀清，戩倪同呀詩冇食

因為唔夠錢...食完同狗仔，泳彤，呀芷~~

幽靈，呀清同戩倪去左玩千秋~~~

玩到兩點番屋企，送埋泳彤再番屋企都成4點咯...

即刻沖涼訓覺...訓到11點...

去左安寧借碟睇，借左地下劫同黑社會

借完上呀清屋企睇，地下劫都幾悶下...

黑社會都ok既，睇完係到玩大富翁...

玩到8點幾去買pizza食...

一路食一路睇兒歌金曲睇到11點番屋企

呀清，戩倪同呀駿去左傾計...

2點鐘俾狗仔個電話嘈醒左，原來戩倪仲未番屋企

電話又收唔到...攪到要落街幫佢屋企人搵仔...

搵到佢地之後叫戩倪即刻番屋企啦...

我就送呀清番屋企...送佢之前上左我屋企攞酒...

諗住上番呀清屋企飲，點知佢呀媽番左泥..

咁就係佢屋企傾到4點番屋企...

行緊個陣泳彤打泥話好悶，想傾計...

咁我地就一路傾到7點鐘...

過左去搵佢食早餐...食完採單車~~

11點番屋企訓覺...2點醒左去接呀妹俾呀媽...

之後番泥去左厚德街市買左打半酒上呀清屋企

因為佢地以經飲哂...係咁玩係咁飲...

飲到個個都醉哂...得呀清冇醉...

之後呀芷，狗仔同何傑上左泥

但係我都醉左，咩都唔記得...

我清醒個陣就周身傷哂...好痛...

又係到玩大富翁，我win左...

佢地買kfc番泥食，食完睇埋女皇的教室就番泥喇

唔打喇~~88~~=w="

呢3日去左camp，21-23

第一日...

11點去左南豐等人...等左個幾鐘...

剪倪先泥...一行10個人去搭mtr去中環

有我，戩倪，呀清，呀絲，呀4，呀寶

狗仔，何傑，口水樂仲有呀駿

係mtr係咁影相...

之後去搭船船去長洲咯~~~

去到岩岩走左班船，係入面等，勁熱..

坐船個陣係咁玩，攪笑= =

入到去即刻攞屋，放低d野即刻出去食野

食m記...食完番去見下我舊同學同佢d fd

俾佢呃左...佢今日一早走左...

得番佢d女仔fd係到...佢地3個女仔

一個幾靚，一個好肥，一個好多暗倉...

去左佢地間屋打麻將，打到5點幾走左

番左去，我地住東堤，佢地同我地住得都幾近

之後我同狗仔，呀駿，何傑去買飯番去食~~

我地第一餐晚飯食小菜...幾好食~~

食緊個陣小虎同呀晶泥左搵我地

之後走左，我同呀駿，狗仔，何傑，口水樂

去搵番個3個女仔打麻雀...一路打一路玩，

個肥妹好似飲醉左咁...超好笑...

佢地識玩塔羅牌，我問左d野

佢話會好大犧牲...

不過我都想博一鋪...我覺得係值得既...

之後8個人訓哂係到睇"回魂夜"

睇咁多次都係咁好笑...

睇完4點幾成5點...熄燈講鬼故...

肥個個女仔講...笑到我死...

因為有個女仔勁驚，肥妹講講下捉住佢隻腳

佢嚇到彈起左仲係咁"典"係咁大叫

我地笑到收唔到聲= ="

講講下都第二日7點咯...翻番自己屋

諗住食琴晚同狗仔買既密糖星星做早餐

俾死人戩倪食左一大半...，搞到4個人

分得十幾粒...咁大盒竟然食左咁多= ="

食完訓左陣...11點幾起身~~~

第二日...

戩倪，狗仔，呀清同呀絲去左海灘玩

我，呀寶，呀4同何傑打麻雀...

本來我都想出埋去游水架...

不過我個位超旺...攪到唔想走...

雖然冇玩錢...=口="

打到佢地番泥都唔記得去搵佢地= =

呀駿去左接呀芷過泥~~

今日呀鋒佢地泥左咯~~~

夜晚成班一齊係天台燒野食~~

終於開始最痴線既環節...就係飲酒喇= =

慘烈咯今次...呀芷飲左5支~~

戩倪飲左9支...狗仔飲左2支幾

何傑飲左3支，呀絲飲左5-6支

口水樂飲左2枝，呀駿飲左2支

肥華勁咯，飲左8枝都好似冇飲過咁

我淨係飲左1支幾，因為佢地而經醉哂

如果我醉埋就冇人禁住佢地架喇...

得番我，肥華，呀4，呀寶，呀駿冇事

但係要禁住呀芷以經好麻煩...

攪左成兩個鐘，呀芷先訓...

佢同狗仔一齊訓...狗仔醉左之後...

我同呀絲係咁問佢d秘密，佢講哂出泥...

哈哈=口="v

何傑醉左就訓，冇咩野...

戩倪就係咁發顛，都唔埋佢喇...

之後呀駿，肥華，戩倪，呀清同口水樂過左

呀鋒個面...呀絲全程就係咁wing下wing下

同佢角力個陣俾佢整爛左副眼鏡...

之後同佢坐左係到睇小寶與康熙

佢一路睇一路係咁講...

"我整爛左你副眼鏡呀，有冇aa超能膠痴番佢2呀"

睇到5點，同佢上天台等睇日出

睇睇下，呀4同呀寶上泥一齊睇

過左陣戩倪同呀清埋泥~~~

佢地話呀芷同狗仔攬住左一齊訓

我同呀絲落去睇下順便攞d枕頭上去

跟住去到佢地以經訓醒左...冇野睇= =

之後，佢地都上埋泥睇...

成6點都睇唔到個太陽，呀4同呀寶落番去訓= =

過左陣戩倪同呀清都落埋去...

得番我地兩個，佢地一走，

我地就即刻見到個咸蛋黃喇...=口="

個陣成7點姆喇...

8點落番去，沖涼，之後訓覺..

第3日...

訓到11點幾，食公仔面...

之後坐係到傾計，12點幾有人話要汁屋

俾下一班人走，咁我地汁好哂就去沙灘上面個籃球場

打排球...好玩...玩到4點幾5點

去食m記...搭船船走咯...

又係到玩，之後去搭mtr番泥

叫呀芷陪狗仔搭上線送狗仔番屋企

唔知佢地點呢~~我地就覺得佢地以經開始左喇~~

番到泥過左青葉一陣...之後番新都食野

食完番屋企...因為超睇訓

9點都未夠就訓左...訓到今日10點...

唔講喇~~88~~=w="