| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
由於BB狗插件的供應商已終止此項服務，由即日起此插件將停止運作，請用戶將其從日誌版面中移除。
不便之處，敬請原諒。
|
| 2006 年 5 月 30 日 星期二 |
 | |
見到好多熟人~  |
今日番早,依家一星期得一日早,點解會咁嫁???
番工好平淡咁過,又係hea住咁做,未去bank果時就落左去2樓,媽媽話叫我睇下市場對手喎!!!去到"奶油c單"竟然被我見到Stephine(YMCA),佢依家個post仲要係inchage,原來佢做左2年,新世紀果間一開佢就係度睇舖,好彩今日我去兜下姐,好開心丫見番佢,佢成熟左好多!!!!之後去bank係亞Jay(GPM)陪,哈哈~第一次佢陪嫁ja,副手.......繼亞鋒(之前GPI既副手),感覺同亞Jay係fd左嫁,佢旅行係第2團,shit~~今日媽媽燥燥地,佢話唔俾我地再執場喎,Kinki(GPF)又鎖左佢條key,又話咩皮質酵偏高!!!!!!!
收8點半,之後就過左SA搵Stella,係尖東站見到亞菁,今次既目的只係同佢講聲生日快樂&食餐飯,有我,Stella,Tangent,Man,Gogo&唔知叫咩名.........6條友,其間見到好多人,一入到去就見到Daisy==>我既囡囡2號,露露,女Jan,Anson==>佢仲記得我叫咩名丫!!!&Andy佬==>一講起佢佢就出左黎,之後佢仲不停係我地面前行黎行去,低能仔!!食到11點我地就走lu,之後沿途撞到Sammi&Stephine(HA)==>好.....得閒就約我啦!!!之後就搭火車lu,好迷~
ps.今日係同一日裡面撞到好多人丫,好開心丫!!!@@@@
小高既願望係想聽日有奇蹟.........過到taget@@@
Stella生日快樂........可唔可以唔好食咁多煙,明知自己身體唔好@@@@
|
| 刊登時間︰2006-05-31 01:27 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 29 日 星期一 |
 | |
好在....  |
今日番晏,正常既星期1...........真係好靜~好彩之後都有張4xxx既單!!!!12點先搭火車,11點幾收工之後就同Kinki(GPF)傾計,感覺上同佢好似fd左!!!!
就係咁就一日lu~
ps.6月20~22號公司攪大陸旅行,哈哈~同亞坤同一日去丫,起碼唔會咁悶掛@@@
Cammy生日快樂@@@ |
| 刊登時間︰2006-05-30 01:50 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 28 日 星期日 |
| |
| 好好"科" |
今日番晏,哈哈~又係番晏!!!!!!!!12點1就到左火車站,但係等到12點3先有車,想點????又話3分鐘???仲要冇位坐,shit~至憎搭火車冇位坐!!!!
今日生意明顯比琴日好好多,呵呵~餘下呢3日小高你要努力丫!!!!!!!!!!!我要賺多d錢,依家錢對於我黎講係好好緊要,我既屋企......什至我既生活.........我一年後既生日.........我既車牌.......我為左呢d野我要努力!!!今日有好多神4入黎,有個係一入黎就拎住隻鞋整褲腳,跟住佢差唔多行到出門口就360度同袓兒講"我認得你!!",果一刻我即刻拎轉面狂笑,想點丫????
收工就即時番屋企,係架火車上面沉睡左!!!!!!!!!!!!!
ps.岩岩睇番林敏聰n年前上獎門人(註:果時陳小春仲係度)玩馬拉松,真係好搞笑@@@
小高你一定得既......@@
Kenneth生日快樂@@@ |
| 刊登時間︰2006-05-29 01:42 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 27 日 星期六 |
| |
想點???  |
今日番whole,拍Kinki(GPF),好靜丫........好想死,星期6......10000都冇!!!!好過份~i line有個人就走喇,點解咁多人走???傻Wing又走,亞J又走!!!!想點????12點先走得~生意唔好等於遲走????點解要10點先執場???今日一早Annie(亞媽)就打黎,問我有冇睇report,我話我有睇,之後佢問我有咩野玩,我答左之後佢話仲有呢,跟住我好自然咁講話你等等下,kakaaa~然後亞媽就話我使咩等你(語氣係講笑)................就係咁!!!我番工就係咁嫁喇!!!!
搭火車果時個電視好in,講亞叔......"未解決!!!未解決!!!...........你有你既壓力,我有我既壓力,你仲咩挑釁我???"<==呢d對面我就黎訓覺都講!!!
番到上水又約細飛食野,去花果山要咩冇咩,之後去7仔,有個神4=傻............shit~食完野行行下,見到中心後樓梯冇人諗住坐下,點知有隻草猛,細飛又話草猛唔識飛,點知講完隻野就係咩飛,shit~即閃!!!兜太平行.............~
ps.係呢度教你地術語~~~~~
01=男仔
02=女仔
jump 4=去廁所
餐4=食飯
啪4=打牌
吹4=食煙
擇4=唔好生意
執4=偷野
登4=靚
崩4=樣衰
科=錢
中科=好有錢
m科=冇錢
m=冇
仲有好多...........................@@@ |
| 刊登時間︰2006-05-28 03:31 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 26 日 星期五 |
| |
| 唉 |
今日番晏,成日都係冇咩人入黎,新世紀d人死曬???就連做緊大減價既先施都冇咩人~仲咩???係咪sogo大減價丫???番到去見咁得閒就去左拎coupon,今次亞Yi冇上次咁放,俾左好少我,係咪因為佢個店長係度???
收工就番上水搵細飛,今晚仲咩事???周圍都咁q多人,就連四方果都有好多人,成記都未刪,不過我地最後都係去左食7仔,食食下又有班人黎,幹麼.........咁多人既???仲有......點解有d女人咁唔要面???面皮仲厚過亞魚!!!!
行過車仔檔,就"吉"左串魚蛋食下,之後仲買左d串燒去左樓下食,點知有兩張檯唔俾人入喎,之後我地好勇咁問個"實q",內容如下:
我地:點解唔俾入去???
實q:因為上面整野,所以欄住!!!
我地:但係依家冇人整野,咁我地係咪可以入去丫??
實q:我咩都睇唔到!!!!
.
.
.
.
細飛:咁我地有交租嫁嘛!!!
我地真係好勇,繼上次俾個察人叔叔逗完跟住叫佢執死老鼠之後,又一佳話~
吹到1點就散lu!!!
ps.支持你,終於都俾你軟化左@@@@
亞柏生日快樂@@@ |
| 刊登時間︰2006-05-27 02:18 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 25 日 星期四 |
| |
| OFF.............2 |
今日訓到10點幾就起身lu,琴晚"琴"碌架床差d跌親,哈哈~話曬我都天生神力,睇黎我都要買過張床喇!!!!呢一刻想買過曬屋企d傢c~
我發覺如果我覺得間屋企好污穢,我就會發脾氣,我要改丫!!!不過有時真係好火嫁,我d屋企人見住你好辛苦都唔幫你,果種感覺真係好難受,但係我一整乾淨曬,我就會冇曬火,其間我因為辛苦到喊左出黎,但係佢扮見唔到????
3點幾先出去搵Mina,4點2先去到,比原定時間遲左2個字,有人今朝係電話講話會好準時4點走,但係..........算把啦!!!!首先幫祖兒買野,咩告士打道311號???原來係皇室堡!!!!跟住就買左個袋..........for去旅行既~點解人地可以令到條key唔跌???我唔係有心想串人地唔識寫中文字,我之後都有兜番話佢係外國讀書嫁!!!!Dior好衰!!!之後就去左sogo,一年一次大減價,好q平!!!!!!6點半左右我地就去左唱k,好抵.......book房可以有85折!!!d野食仲好好味,呢度d服務勁好!!!!除左over time果時~好準時.......9點正cut!!!!見仲有時間就行多次sogo,all star巴西板,出年著就好out,唔通真係要4年一次先著咩????行到10點去KY飛鞋,俾佢地知道左添!!!跟住就去買野飲,好抵........buy 1 get 1 free!!!!10點4先去睇戲,有冇咁準時丫???睇完都12點10,之後搭紅van番屋企,一個鐘就可以係銅鑼灣番到屋企裡面,好快丫!!!
ps.努力再日日打日記@@@ |
| 刊登時間︰2006-05-26 03:03 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 24 日 星期三 |
| |
整左回鄉證!!!  |
琴晚原本約細飛今朝10點去整回鄉證,但係自己琴晚又成4點先訓,所以都係取消左~
9點幾.....10點幾醒左,最後12點幾先起身,又係坐係電腦面前呆坐,咩都唔想做,好憎屋企人可以好污穢都忍到,咩都要我做,做咩又係我喎,我都辛苦嫁番工,我放假都想可以好自由,唔想再為其他人丫!!!好似當我係工人咁,我唔係嫁!!!!有冇理過我感受丫???分擔下都好丫????扮聽唔到???有時真係好想自己搬出黎住,起碼自己一個自由自在~~
2點幾都係同細飛左整回鄉證,到太和食左大家樂,之後行錯路.........最後搭的士去中旅社,好快就搞好曬!!!個影相佬影得好尊業,將我既包包面影得好仔細,證明我真係要減下!!!!整完就落雨lu,呢牌成日個天都好唔正常!!!!番到上水...........OTO&OISM???
番到屋企又好懶咁hea~~~~~~shit~~~~~~~我係有好多野想做嫁,但係我真係有心冇力!!!
ps.呢牌差唔多日日都飲酒,我唔係唔開心丫,你地唔好誤會,我只係想飲姐,但係就搞到膊頭勁痛@@@@ |
| 刊登時間︰2006-05-24 07:51 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 17 日 星期三 |
| |
| 珍珠 |
今日放假,琴晚好白痴,竟然冇熄電話就訓,攪到我係咁俾人嘈甦shit~好彩我都唔弱,訓到2點,呵呵~
一起身又坐係部電腦面前呆坐,係咁聽歌+唔知做咩,係咁上網睇下d無聊野,同一個人既xanga我都入左幾次,我真係......好悶???玩玩下msn先知自己中左毒,好彩有Ivan&亞Quin姐,thx~~~
hea到5點就做下家務咁,之後到7點幾先得閒~~~
9點幾就同細飛落左街,係火車站見到Jason,之後去左仙"中"林,又見到老細,冇錯....一個朱古力吐司多朱古力,一個奶油吐司多奶油,一個珍珠奶茶少珍珠,一個正常既珍珠奶茶!!!!飲到10點幾就行左陣街,跟住番到屋企樓下去左百佳"show"貨~買完上去佢屋企睇bb~
珍珠好hit丫,佢都有好多fans,有學生就拉埋banna歡迎佢,但係我就唔係咁錯意佢!!!
史提芬~同你第2次一齊放喇,但係都係冇出去食飯,要等到下下下星期嫁喇!!!!呵呵~
ps.點解咁多人係5月&10月生日嫁???@@
準備緊一d野@@@ |
| 刊登時間︰2006-05-18 12:42 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 10 日 星期三 |
| |
熱得很!!!  |
今日番晏,又要番工喇!!!個孖day好似冇放過咁................so bad!!!!
搭火車番工果時有個女人想同我爭位坐,仲咩事丫????同我爭???最後梗係我坐到啦.......呵呵~唔好睇少我!!!冇人可以撞住我同周公公見面!!!
番到去就見到Joey(GPF),佢染番黑成個頭.......好似假髮~冇幾耐就要去HCF飛鞋,大老.........30幾度嫁!!!!飛完隔左陣又去過,e~~~仲咩咁嫁???今日可以證明一樣野,黑色真係好吸熱,事關我套u係紫色衫+黑色褲,我發覺我對腳好鬼死有power,好堅........隻腳仲熱過個身,想點????俾個機會我減下條腿???番到去過左陣我個客就黎拎我對鞋,點知原來細左???38都ok???咁我仲咩山長水遠咁拎番黎???個一刻真係好唔開心嫁,話曬我咁辛苦!!
收工約埋亞雪搭火車,佢都整左個頭丫,都ok......但係都ok貴!!!佢做到今個月尾ja!!番到上水join細飛,去左花果山食野,隔離果間我地終於見到有人食喇!!!!之後就去左7仔,係中心出面坐,但係越坐越熱,咁我地就去番彩園下面坐,吹到2點幾就走lu~
ps.我鐘意曲髮既我@@@@
近排亞叔都幾紅,如果下次有人拍我膊頭,咁我都要請佢食士多啤梨先@@@ |
| 刊登時間︰2006-05-11 03:29 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 9 日 星期二 |
| |
| 完成左我21歲既生日lu!!! |
今日都係放假,好耐都未放過孖day喇!!!!
琴晚點幾已經係張床度,一路聽緊吳君如,點半仲聽到佢地報天氣,訓左好耐.......但係都係吳君如???原來我只係訓左一陣???今朝8點幾又甦左.....仲咩丫????一路訓到12點先起身,好似冇訓過咁!!!!
差唔多2點就同細飛去左仙"中"林食野,今日老細有番丫,好多人!!!等左好耐d野食先有,我覺得我次次去都令到老細好開心,因為我次次都冇折???咁我張咭有咩用???之後細飛仲送左d野俾我~點解欒施會d人係咁迫我????跟住去左匯豐,果個女人講左好q耐,一講就講到4點幾,之後我地極速買野,5點3番到屋企,好快咁攪掂我d野&換衫就出去喇!!!!
原本約左芷珙6點4係APM,但係我成6點先到火車站,咁我就改地點lu........又一城~IT&it????仲咩有咁多????行到7點幾我地就搭火車去九龍城食野,好耐都冇去過喇,好好味丫!!!!!!又唔貴~~~係咁係度吹水,吹到8點11就走lu,係咁打俾人點番去又一城,始終都係靠自己搵到,哈哈~yeah!!!!!!!!!!!!!!!!!!!!!!睇9點4........9點5先入去......係岩岩好嫁!!!!呵呵~睇MI3~好好睇丫!!!!雖然我唔鐘意湯告魯斯,但係佢真係做得ok~你地都睇啦!!!!!
睇完大家就各自番屋企lu~
ps.我既生日係今日終於完滿結束,多謝咁多位人兄呢一個月以黎係咁幫我慶祝,多謝曬@@@
我大個女喇...........係未來呢一年我一定不負眾人所望搵番"件"既.....kakaaa@@@ |
| 刊登時間︰2006-05-10 01:56 AM [ 訪客留言(2) ] [ 編輯日誌 ] [ 分享至FACEBOOK ] |
| « | 10 | 11 | 12 | 13 | 14 | 15 | 16 | 17 | 18 | 19 | ... | 48 | » | |
hihiyee 
大名: "＋+．．樂Ｇo∼＊ 